الدا – اۋىل اكىمدەرىنىڭ سايلاۋى. ونىڭ قاي دەڭگەيدە وتپەگى مەن كوڭىلدەن شىقپاعى بارشاعا, جالپى حالىققا سىن بولعالى تۇر. سەبەبى, بۇل سايلاۋ 17 ملن. حالىقتىڭ 7,5 ملن.-نان استامىنىڭ قۇقىعىن انىقتايتىن العاشقى سايلاۋ. 7,5 ملن. دەگەنىمىز, اۋىلدا جەر ەمىپ, مال باعىپ وتىرعان قاراپايىم ادامدار. دەمەك, بۇل ولاردىڭ تاعدىرىنا تىكەلەي قاتىسى بار سايلاۋ دەگەن ءسوز. ال ناۋقاننىڭ كوپ كوڭىلىنەن شىعۋى ءۇشىن, ارينە, جان-جاقتى باقىلاۋ, تەرەڭ قاداعالاۋ, مىقتى تالاپ قاجەت. اۋىل اكىمدەرىنىڭ سايلاۋىن باقىلاۋ جونىندەگى رەسپۋبليكالىق قوعامدىق كوميسسيا, مىنە, وسى ماقساتتا قۇرىلىپتى.
الدا – اۋىل اكىمدەرىنىڭ سايلاۋى. ونىڭ قاي دەڭگەيدە وتپەگى مەن كوڭىلدەن شىقپاعى بارشاعا, جالپى حالىققا سىن بولعالى تۇر. سەبەبى, بۇل سايلاۋ 17 ملن. حالىقتىڭ 7,5 ملن.-نان استامىنىڭ قۇقىعىن انىقتايتىن العاشقى سايلاۋ. 7,5 ملن. دەگەنىمىز, اۋىلدا جەر ەمىپ, مال باعىپ وتىرعان قاراپايىم ادامدار. دەمەك, بۇل ولاردىڭ تاعدىرىنا تىكەلەي قاتىسى بار سايلاۋ دەگەن ءسوز. ال ناۋقاننىڭ كوپ كوڭىلىنەن شىعۋى ءۇشىن, ارينە, جان-جاقتى باقىلاۋ, تەرەڭ قاداعالاۋ, مىقتى تالاپ قاجەت. اۋىل اكىمدەرىنىڭ سايلاۋىن باقىلاۋ جونىندەگى رەسپۋبليكالىق قوعامدىق كوميسسيا, مىنە, وسى ماقساتتا قۇرىلىپتى.
قۇرامىنا ءارتۇرلى سالانىڭ بەلدى وكىلدەرىن, اتاپ ايتقاندا, «قازاقستان جازۋشىلار وداعى» قب توراعاسى نۇرلان ورازالين, «قازاقستان باس رەداكتورلار كلۋبى» رقب پرەزيدەنتى كەنجەبولات جولدىباي, قازاقستان گۋمانيتارلىق-ساياسي كونيۋنكتۋرا ورتالىعىنىڭ پرەزيدەنتى ەسەنجول الياروۆ, ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى مارات باشيموۆ, قازاقستان حالقى اسسامبلەياسىنىڭ مۇشەسى راحيليام ماحپيروۆا, قازاقستاننىڭ ىسكەر ايەلدەرى قاۋىمداستىعىنىڭ پرەزيدەنتى راۋشان سارسەنباەۆا, «دەموكراتيا ينستيتۋتى» عزق قب جوبالار بويىنشا ديرەكتورى يۋليا كۋچينسكايا سىندى ازاماتتار مەن ازاماتشالاردىڭ باسىن بىرىكتىرىپتى. كوميسسيانىڭ توراعاسى – «قازاقستان رەسپۋبليكاسى ارداگەرلەرى ۇيىمى» رقب ورتالىق كەڭەسىنىڭ توراعاسى ومىرزاق وزعانباەۆ.
جاقىندا وسى كوميسسيا ءمۇشەلەرى جيىن وتكىزىپ, وزدەرىنىڭ العا قويعان مىندەتتەرى تۋراسىندا ايتىپ بەردى. ومىرزاق وزعانباەۆ 5-9 تامىز ارالىعىندا بايتاق ەلىمىزدىڭ بارلىق دەرلىك اۋماعىنداعى اۋىلدىق وكرۋگتەردە جانە اۋداندىق باعىنىستاعى قالالاردا اۋىل اكىمدەرىنىڭ سايلاۋى وتەتىندىگىن, كوميسسيانىڭ جۇمىسى وسى سايلاۋدى قاداعالاۋعا تىكەلەي تىرەلەتىندىگىن اتاپ ءوتتى.
«ارينە, بۇعان دەيىن دە ءبىزدىڭ ەلىمىزدە جەكەلەگەن ولكەلەردە, وڭىرلەردە ەكسپەريمەنت رەتىندە سايلاۋ وتكەن بولاتىن. سول ەكسپەريمەنتتەردىڭ قورىتىندىسىن جيناقتاي كەلە, وتكەن جىلى 14 جەلتوقساندا جاريالانعان ەلباسىمىزدىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا دەموكراتيالىق پروتسەستەرگە, ونىڭ ىشىندە اۋىل اكىمدەرىن سايلاۋعا ەرەكشە ءمان بەرگەنى بەلگىلى. مىنە, وسىعان بايلانىستى قازىر وسىنداي سايلاۋ بۇكىل ەلىمىز بويىنشا وتكەلى وتىر. بۇل 2457 وكرۋگتەن بالامالى نەگىزدەگى سايلاۋعا ۇمىتكەر بولىپ ۇسىنىلعان كانديداتتاردىڭ سانى – 7173», – دەدى ءو.وزعانباەۆ. ونىڭ ايتۋىنشا, استانادا ورتالىق شتابى ورنالاسقان رەسپۋبليكالىق كوميسسيا بۇگىندە رەسمي تىركەۋدەن ءوتىپ, ءوز جۇمىسىن باستاپ كەتكەن.
كەزدەسۋدە ءسوز العان نۇرلان ورازالين بىلاي دەدى: «بىزدەگى ءاربىر جاڭالىقتى, ءاربىر بولىپ جاتقان وقيعانى, ادامزات بالاسىنا ورتاق قۇندىلىقتاردى ەسكەرە كەلىپ, ياعني, مەملەكەت قۇرۋ بولسىن, دەموكراتياعا ۇيرەنۋ بولسىن, قۇقىقتىق نەگىزدە جۇمىس ىستەۋ ۇلگىلەرى بولسىن, ءبارىن ءبىز الەمدىك قوعامداستىقتىڭ ءبىر مۇشەسى رەتىندە سوعان بەيىمدەپ جاساپ وتىرمىز. 7,5 ملن. حالىقتىڭ باسىن قۇرايتىن بۇل سايلاۋ قالاي ءوتۋى كەرەك؟ 7,5 ملن. دەگەنىمىز, اۋىلداعى وتانداستارىمىز. دەمەك, سول اۋىلداردا جەر ەمگەن, مال باققان, كوپ نارسەگە ەندى-ەندى بەيىمدەلە باستاعان حالقىمىزدىڭ تاعدىرىنا تىكەلەي قاتىسى بار سايلاۋ بۇل. ول بارلىعىمىزدىڭ ورتاق ابىرويىمىزدى قامتاماسىز ەتەتىن, ورتاق ماقسات-مۇددەمىزدى جۇزەگە اسىراتىن دەموكراتيالىق مەكتەپتىڭ العاشقى ۇلگىسى دەپ قابىلداۋىمىز كەرەك. ءاربىر ازامات ءوزىنىڭ كوشىن باستايتىن ازاماتىن, ءاربىر اۋىل ءوزىنىڭ كوشىن باستايتىن باسشىسىن ءدال انىقتاسا جانە سوعان سەنىپ, سوعان ەرىپ, بولاشاقتا ءبىزدىڭ ەلدىك تۇتاستىعىمىزدى ساقتايتىن باعىتتا جۇمىس ىستەسە دەپ وتىرمىز. بىزدە باسقا, بوتەن ەشقانداي ماقسات جوق. ەلگە كومەكتەسۋ, ەلگە ءادىل دە اشىق سايلاۋدىڭ وتۋىنە مۇرىندىق بولۋ.
دەموكراتيا دەگەن ادەمى ءسوز, جاقسى ءسوز, ماعىنالى ءسوز. دەموكراتيا وتكىر پىشاق تا سەكىلدى. دەموكراتيا دەگەن ايدارمەن قاي جەردە قانداي كەمشىلىكتەر مەن اقاۋلاردى جىبەرگەنىمىزدى بىلەمىز. ءدال وسى جولى ءبىزدىڭ قانداستارىمىز, جەر-جەردەگى, اۋىل-اۋىلداعى اعايىندارىمىز قاتە
