وڭتۇستىككە اتباسىن بۇرىپ, قازىعىن قاققان ءىرى ينۆەستور رەتىندە گەرمانيا ەلىن ايتۋعا بولادى. جاقىندا ايماق باسشىلارى مەن گەرمانيالىق «Rromodis Energy» كومپانياسىنىڭ جەتەكشىلەرى «وڭتۇستىك گرين ەنەردجي» بىرلەسكەن كاسىپورنىن قۇرۋ تۋرالى قۇرىلتاي قۇجاتتارىنا قول قويدى. 300 جىلدىق تاريحى بار «Rromodis Energy» كومپانياسى نەگىزىنەن فوتوەلەكترلى ستانcا, بيوگازدىق قوندىرعى سياقتى جاڭعىرتىلاتىن ەنەرگيا كوزدەرىنەن قۋات الاتىن نىساندار سالۋمەن اينالىسادى. قازىر وبلىس تۇرعىندارىنىڭ 50 پايىزى ەنەرگيا تاپشىلىعىن سەزىنىپ وتىر. قىستا 230 مەگاۆاتت, جازدا 175 مەگاۆاتت سىرتتان تاسىمالدانادى. وسى ولقىلىقتىڭ ورنىن تولتىرىپ قانا قويماي, بىرلەسكەن جوبا اياسىندا قالا مەكتەپتەرىندە كۇن باتارەيالارىن, كوشەلەر مەن ساياباقتاردا قۋات ۇنەمدەگىش شامدار ورناتۋ جوسپارلانۋدا.
وڭتۇستىككە اتباسىن بۇرىپ, قازىعىن قاققان ءىرى ينۆەستور رەتىندە گەرمانيا ەلىن ايتۋعا بولادى. جاقىندا ايماق باسشىلارى مەن گەرمانيالىق «Rromodis Energy» كومپانياسىنىڭ جەتەكشىلەرى «وڭتۇستىك گرين ەنەردجي» بىرلەسكەن كاسىپورنىن قۇرۋ تۋرالى قۇرىلتاي قۇجاتتارىنا قول قويدى. 300 جىلدىق تاريحى بار «Rromodis Energy» كومپانياسى نەگىزىنەن فوتوەلەكترلى ستانcا, بيوگازدىق قوندىرعى سياقتى جاڭعىرتىلاتىن ەنەرگيا كوزدەرىنەن قۋات الاتىن نىساندار سالۋمەن اينالىسادى. قازىر وبلىس تۇرعىندارىنىڭ 50 پايىزى ەنەرگيا تاپشىلىعىن سەزىنىپ وتىر. قىستا 230 مەگاۆاتت, جازدا 175 مەگاۆاتت سىرتتان تاسىمالدانادى. وسى ولقىلىقتىڭ ورنىن تولتىرىپ قانا قويماي, بىرلەسكەن جوبا اياسىندا قالا مەكتەپتەرىندە كۇن باتارەيالارىن, كوشەلەر مەن ساياباقتاردا قۋات ۇنەمدەگىش شامدار ورناتۋ جوسپارلانۋدا.
بۇگىندە ينۆەستورلار اۋداندارعا دا كەڭىنەن تارتىلۋدا. سوناۋ قاراتاۋدىڭ قويناۋىندا جاتقان ءوندىرىستى قالا كەنتاۋدا دا وسى ماسەلەدە كوڭىل قۋانتارلىق تىرلىكتەر كوپ. بيىل قاراتاۋ ءتاجى – كەنتاۋ قالاسى 50040 ملن. تەڭگەگە ينۆەستيتسيا تارتىپ وتىر. ول جاڭا جوبالاردى, اتاپ ايتار بولساق, «كەنتاۋ ترانسفورماتور زاۋىتى» اق ەلەكتر-يزولياتسيالىق, مەحانيكالىق تسەحىنىڭ جوباسىن الايىق. جوبانىڭ قۇنى – 1 ملرد. 200 مىڭ تەڭگە. جاڭادان 110 ادامدى جۇمىسپەن قامتيمىن دەپ وتىر. بۇل جوبا ۇستىمىزدەگى جىلدىڭ قازان ايىندا ىسكە قوسىلادى دەپ جوسپارلانعان.
سودان كەيىنگىسى – «ەكسكاۆاتور» اق-تىڭ تەمىر-بەتون شپال ونىمدەرىن شىعارۋ جوباسى. مۇنىڭ قۇنى – 1 ملرد. 400 مىڭ تەڭگە. ولار 50 جاڭا جۇمىس ورنىن اشپاق. جوبا 2013 جىلدىڭ قىركۇيەك ايىندا ىسكە قوسىلۋى ءتيىس. ينۆەستورى – «قازاقستان تەمىرجولى» اق. ءۇشىنشىسى – «وڭتۇستىك اياق-كيىم فابريكاسى» ءوندىرىسىنىڭ جوباسى. جوبانىڭ قۇنى – 345 ملن. تەڭگە. وندا 57 جاڭا جۇمىس ورنى قۇرىلماق. بۇل فابريكا جوسپار بويىنشا وسى جىلدىڭ قازان ايىندا پايدالانۋعا بەرىلۋى كەرەك.
وندىرىلگەن ەلەكتر ەنەرگياسىن ساقتاي ءبىلۋ كەرەك. سوندا عانا كۇننەن الاتىن قۋاتتى تۇندە دە پايدالانا الامىز. بۇل رەتتە جاقىندا وڭتۇستىككە ارنايى كەلگەن يتاليالىق كاسىپكەرلەردىڭ ءوز ۇسىنىستارى بار. يتاليالىق كاسىپكەر دجانني فورابوسكيدىڭ كومپانياسى قۋاتتى ساقتاۋشى جاڭا اككۋمۋلياتور ويلاپ تاپقان. سونى تەحنولوگيانى ونىدىرىسكە پايدالانۋ ءىسىن قازاقستاننان باستاۋ ءۇشىن وبلىس اكىمىنىڭ ورىنباسارى ساپاربەك تۇياقباەۆپەن كەزدەسىپ, بىرقاتار كەلىسىمدەرگە قول قويدى.
الەمدە قۋات ساقتاۋ تەحنولوگياسى بار. بىراق ول وتە قىمبات. ال يتاليالىقتاردىڭ ۇسىنعان جاڭا جوباسى وڭاي ءارى ارزان. سوندىقتان بۇل كەلىسىم وڭتۇستىك ءۇشىن وتە ءتيىمدى بولماق. سودان بولار 100 مەگاۆاتتىق ەلەكتر ستانسالارىن سالۋ جوسپارلانۋدا. سۋدان, جەلدەن جانە كۇننەن الىنباق قۋاتتاردىڭ ىشىندە عالىمدار كۇننەن كەلەتىن قۋاتتىڭ ءتيىمدى ەكەنىن ايتادى. 2013 جىلى وبلىستىق اكىمدىكتىڭ قولداۋىمەن قازاقستاندىق قولدانىستى قامتۋ ماقساتىندا جىلىنا 250 مىڭ شام شىعاراتىن, قۇنى 1,5 ملرد. تەڭگەنى قۇرايتىن جانە 40-50 ادامدى جۇمىسپەن قامتيتىن زاۋىت سالىنادى. قازىرگى تاڭدا بۇل جوبانىڭ قارجىلىق ماسەلەسى شەشىلگەن جانە جەرى بولىنگەن. بۇگىنگى تاڭدا وبلىس ەكونوميكاسىنا 264 ملن. اقش دوللار كولەمىندە ينۆەستيتسيا تارتىلدى. وڭتۇستىكتەگى وڭدى جوبالاردىڭ بىرقاتارى مىنە, وسىنداي.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
