ەرتەڭگىنى ەرتە كوزدەۋشى كاسىپورىندارعا وندىرىستىك قۋاتتى دەر كەزىندە تولىق جاڭارتىپ, تەحنولوگيالىق جاراقتالۋدى تۇبەگەيلى جاڭعىرتۋ بۇلجىماس تالاپ بولىپ تابىلاتىندىعى بەلگىلى. وسىنداي زاڭدى وزگەرىسكە جەزقازعان مىس قورىتۋ زاۋىتى دا قادام جاساعان بولاتىن. الايدا مۇندايدا قانداي دا ۇجىم مۇشەلەرى تاراپىنان ءارتۇرلى الاڭداۋشىلىقتار مەن تۇسىنپەۋشىلىكتەر ۇشىرايتىنى سياقتى جايت بۇدان بۇرىن حابارلانعانداي, بۇل كاسىپورىن ەڭبەككەرلەرىنە دە ابىرجىتۋ تۋعىزعان ەدى.
ەرتەڭگىنى ەرتە كوزدەۋشى كاسىپورىندارعا وندىرىستىك قۋاتتى دەر كەزىندە تولىق جاڭارتىپ, تەحنولوگيالىق جاراقتالۋدى تۇبەگەيلى جاڭعىرتۋ بۇلجىماس تالاپ بولىپ تابىلاتىندىعى بەلگىلى. وسىنداي زاڭدى وزگەرىسكە جەزقازعان مىس قورىتۋ زاۋىتى دا قادام جاساعان بولاتىن. الايدا مۇندايدا قانداي دا ۇجىم مۇشەلەرى تاراپىنان ءارتۇرلى الاڭداۋشىلىقتار مەن تۇسىنپەۋشىلىكتەر ۇشىرايتىنى سياقتى جايت بۇدان بۇرىن حابارلانعانداي, بۇل كاسىپورىن ەڭبەككەرلەرىنە دە ابىرجىتۋ تۋعىزعان ەدى.
بىراق اۋەل باستاعى ءارتۇرلى الىپ-قاشپا سوزدەر سونشالىقتى كوڭىل ورىكپەتكەندەي ەمەس ەكەن. پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆتىڭ ارالارىنا كەلىپ, اشىق اڭگىمەلەسىپ, ءمان-جايدى ءتۇسىندىرۋى كوپ ماسەلەنىڭ باسىن اشتى. كورپوراتسيا زاۋىتتى كەن قۇرامى كەدەي كونتسەنتراتتى وڭدەۋگە بەيىمدەپ, ءونىمنىڭ وتىمدىلىگىن كوتەرۋ ءۇشىن گيدرومەتاللۋرگيالىق زاماناۋي تەحنولوگيانى قولدانۋعا كوشۋدى قاراستىرعان ەكەن. وسىعان بايلانىستى ونىڭ جۇمىسىن 2 جىل, 3 ايعا توقتاتۋ تۋرالى ۇكىمەتكە ۇسىنىس بەرەدى. ساراپتاۋشىلار وسى ماسەلەنى زەرتتەي كەلە جۇمىسشىلاردى جاپپاي قىسقارتۋعا جانە ەڭبەكاقىنى 50 پايىزعا تومەندەتۋگە نەگىز جوقتىعىن ەسەپتەۋلەر ارقىلى دالەلدەيدى. زاۋىتتى قايتا قۇرۋ كەزىندە جەكە قۇرامدى ىدىراتپاي, جوندەۋ جانە قوسالقى جۇمىستارعا پايدالانۋ, باسقا ءوندىرىس ورىندارىنا ورنالاستىرۋ جونىندە ءتيىمدى كەڭەس بەرىلدى.
دۇرىس ۇسىنىسقا داۋ بار ما؟ «قازاقمىس» كورپوراتسياسى سول بويىنشا ءوز مۇددەسىن دە, ەڭبەككەرلەردىڭ مۇددەسىن دە تەڭ ويلاۋ شارالارىنا كەلىسىپ, بۇل كۇندە زاۋىتتى جاڭارتۋ جۇمىستارىنا الاڭسىز كىرىسكەلى وتىر. بۇل ۋاقىتتا ءاربىر جۇمىسشى مەن قىزمەتشىنىڭ ەڭبەكاقىسىن, الەۋمەتتىك تولەمدەردى تولىق كولەمىندە ساقتاۋدى جانە تولەۋدى مىندەتىنە الدى.
وسىناۋ وقيعا كەزىندە ءوڭىر كەلەشەگىنىڭ بۇلدىرلىعى جونىندە الىپقاشتى ەسكى سوزدەر تاعى ءبىر قىلاڭ بەرمەي قالماعانىن قالاي ايتپاسقا. بىراق ولاي ەمەس ەكەن. كەرىسىنشە, زاۋىت بولاشاعى جارقىندىعى ءبىلىنىپ, قايران قالدىرادى. تاريحى شيرەك عاسىرلىق مىس قورىتۋ زاۋىتىنا ەندى تىڭ تىنىس بىتپەك. ايماقتى الەۋمەتتىك-ەكونوميكالىق دامىتۋدىڭ 2012-2017 جىلدارعا ارنالعان باعدارلاماسى اياسىندا 177 ملرد. تەڭگەنىڭ كول-كوسىر جۇمىستارى جۇرگىزىلەتىندىگى, جەزقازعان-بەينەۋ تەمىر جولى ىسكە قوسىلعالى وتىرعاندىعى وسىنىڭ تاماشا ايعاعى.
ايقىن نەسىپباي,
«ەگەمەن قازاقستان».
جەزقازعان.
