ۇكىمەتتىڭ وتىرىسىندا 2010-2014 جىلدارعا ارنالعان ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا وڭىرلەردە جۇزەگە اسىرىلعان كەيبىر جوبالاردىڭ جۇمىس ىستەمەي تۇرعانى ايتىلعان-دى. شىنى كەرەك, وسىندايدا كەزىندە ەلباسى نۇرسۇلتان نازارباەۆتىڭ جاڭا كاسىپورىندار مەن نىسانداردى ءوزىنىڭ كوزىنشە لەنتاسىن قيدىرعاننان كەيىن ىسكە قوسىلمايتىنىن سىنعا العانى ەسكە تۇسەدى. وڭىردەگى وسى باعىتتاعى جاعدايدى بىلمەككە وبلىستىق كاسىپكەرلىك جانە ونەركاسىپ باسقارماسىنىڭ باستىعى مارات بالمۇحانوۆقا جولىققانبىز. مارات نۇرەن ۇلى اڭگىمەنى ارىدەن باستادى.
ۇكىمەتتىڭ وتىرىسىندا 2010-2014 جىلدارعا ارنالعان ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا وڭىرلەردە جۇزەگە اسىرىلعان كەيبىر جوبالاردىڭ جۇمىس ىستەمەي تۇرعانى ايتىلعان-دى. شىنى كەرەك, وسىندايدا كەزىندە ەلباسى نۇرسۇلتان نازارباەۆتىڭ جاڭا كاسىپورىندار مەن نىسانداردى ءوزىنىڭ كوزىنشە لەنتاسىن قيدىرعاننان كەيىن ىسكە قوسىلمايتىنىن سىنعا العانى ەسكە تۇسەدى. وڭىردەگى وسى باعىتتاعى جاعدايدى بىلمەككە وبلىستىق كاسىپكەرلىك جانە ونەركاسىپ باسقارماسىنىڭ باستىعى مارات بالمۇحانوۆقا جولىققانبىز. مارات نۇرەن ۇلى اڭگىمەنى ارىدەن باستادى.
ول وبلىستا بۇل باعدارلامانى جۇزەگە اسىرۋ بويىنشا ماقساتتى جۇمىستار جۇرگىزىلىپ جاتقانىن تىلگە تيەك ەتە كەلىپ, ەلىمىزدىڭ يندۋستريالاندىرۋ كارتاسىنا وبلىستان 10.0 مىڭنان استام جۇمىس ورنىنىڭ قۇرىلۋىمەن 632,8 ميلليارد تەڭگە تۇراتىن 73 ينۆەستيتسيالىق جوبا ەنگىزىلگەنىن جەتكىزدى. 2010-2012 جىلدارى يندۋستريالاندىرۋ كارتاسى اياسىندا جالپى سوماسى 188,3 ميلليارد تەڭگەگە 64 جوبا پايدالانۋعا بەرىلىپ, 5 مىڭ جاڭا جۇمىس ورنى اشىلعانىنا توقتالدى. وتكەن جىلى عانا جالپى سوماسى 4,5 ميلليارد تەڭگە بولاتىن 13 جوبا ىسكە قوسىلىپ, 400 ادام ەڭبەككە تارتىلعان.
ءسوز اراسىندا وسى پايدالانۋعا بەرىلگەن كاسىپورىندار تۇگەلدەي تولىق قۋاتىندا جۇمىس ىستەپ تۇر ما دەگەن كوكەيدەگى كۇدىگىمىزدى دە جاسىرمادىق.
– جالپى, بارلىعى دا جۇمىس ىستەپ تۇر. الايدا, ىسكە قوسىلعان جاڭا كاسىپورىندار تولىق قۋاتىندا جۇمىس ىستەپ كەتۋىنە بەلگىلى ءبىر ۋاقىت كەرەك. سوڭعى ەكى جىلدا پايدالانۋعا بەرىلگەن 64 جوبانىڭ 44-ءى جوسپارلى قۋاتىنا شىعا باستادى ونىڭ ءىشىندە «ۆوسحود وريەل», «اقتوبە مىس كومپانياسى» جاۋاپكەرشىلىگى شەكتەۋلى سەرىكتەستىكتەرى سياقتى ءىرى كاسىپورىندار بار. پايدالانۋعا بەرىلگەن 20 كاسىپورىن 31,2 پايىزعا جۇمىس ىستەپ تۇر. بۇلار دا كەزەڭ-كەزەڭمەن جوبالىق قۋاتتارىنا شىعۋعا باعىت ۇستاۋدا. ءبىر سەبەپتەرمەن, تەحنولوگيالىق جاعدايدا بەلگىلى ءبىر كەزەڭدە توقتاپ قالاتىندارى دا كەزدەسەدى. بۇل ماۋسىمدىق سيپاتتا جۇمىس ىستەيتىن سالالارعا, سونىڭ ىشىندە قۇرىلىس سالۋعا قاجەتتى كىرپىش, بەتون بلوكتار, قابىرعالىق ماتەريالدار, قيىرشاق تاس شىعاراتىن كاسىپورىندارعا قاتىستى. ىسكە قوسىلعان جوبالاردىڭ جۇمىسىنا مونيتورينگ جۇرگىزىلەدى. ازىرگە جۇزەگە اسىرىلعان جوبالاردىڭ مۇلدەم توقتاپ تۇرعاندارى جوق. جاڭا نىسانداردى ىسكە قوسۋ ءونىم وندىرۋگە اناعۇرلىم سەرپىن بەردى. 2012 جىلدىڭ قورىتىندىسىندا ۇدەمەلى يندۋستريالىق-يننوۆاتسيالىق دامۋدىڭ مەملەكەتتىك باعدارلاماسىنىڭ بارلىق نەگىزگى كورسەتكىشى بويىنشا ءوسىمنىڭ وڭ قارقىنى بايقالدى, – دەدى مارات بالمۇحانوۆ.
ۇستىمىزدەگى جىلى وڭىردە جەتى جاڭا يننوۆاتسيالىق جوبانى ىسكە قوسۋ كوزدەلۋدە. ولارعا سالىناتىن ينۆەستيتسيا كولەمى – 112,0 ميلليارد تەڭگەنى قۇرايدى. ولاردىڭ اراسىندا «قازحروم» تۇك» اق-قا قاراستى اقتوبە فەرروقورىتپا زاۋىتىنىڭ 4 تسەحى بار. بۇل كاسىپورىننىڭ العاشقى ەكى پەشىن ۇستىمىزدەگى جىلدىڭ قاراشا ايىندا ىسكە قوسۋ جوسپارلانعان. قازىر قۇرىلىس جۇمىستارى اياقتالىپ كەلەدى. قوندىرعىلاردى ورناتۋ ىجداعاتتىلىقپەن اتقارىلۋدا. «سترويدەتال» جشس جاڭا تسەح قۇرىلىسىن سالىپ پايدالانۋعا بەرەتىن بولادى. جاڭاجول گاز وڭدەۋ زاۋىتىنىڭ ءۇشىنشى كەزەگىن پايدالانۋعا بەرەتىن «اقتوبەمۇنايگاز» اق قارقىندى جۇمىس ىستەۋدە. «قازاقستان تەمىر جولى» ۇلتتىق كومپانياسى «ترانسپورتنىە تەحنولوگي» جشس-مەن بىرلەسىپ سالىپ جاتقان رەلس زاۋىتىنا 55 ميلليارد تەڭگە ينۆەستيتسيا سالىناتىن بولادى. بۇل زاۋىت جىلىنا 400 مىڭ توننا تەمىر جول رەلستەرىن شىعارۋعا ەسەپتەلگەن. بۇل جوبانى جۇزەگە اسىرۋعا «بيزنەستىڭ جول كارتاسى -2020» باعدارلاماسى بويىنشا تيىسىنشە ينجەنەرلىك ينفراقۇرىلىم جۇرگىزۋگە 2 ميلليارد تەڭگە بولىنگەن.
وبلىس ورتالىعىنان يندۋستريالىق-يننوۆاتسيالىق پارك سالۋ قولعا الىندى. مۇندا ينجەنەرلىك كوممۋنيكاتسيالار جۇرگىزۋ ءۇشىن تەحنيكالىق-ەكونوميكالىق نەگىزدەمە جاسالىپ قويىلعان. يندۋستريالىق ايماقتا جالپاق اينەك شىعاراتىن زاۋىت قۇرىلىسى باستالماق. قازىر ونىڭ بيزنەس-جوسپارى جاسالۋدا. ىدىستىق شىنى زاۋىتى دا سالىنادى دەپ كۇتىلۋدە. بولاشاقتا تۇرعىن ءۇي قۇرىلىسى كومبيناتى, تەمىر-بەتو
