پاۆلودار اۋدانى, روزوۆكا اۋىلىنداعى «كيروۆ» اتىنداعى سەرىكتەستىككە ءسۇت ونىمدەرىن دايىندايتىن «فۋدماستەر» كومپانياسىنىڭ وكىلدەرى كەلىپ قايتتى. ماقسات – وسى سەرىكتەستىككە قاراستى ەگىستىك القاپتارىن سۋارۋ بويىنشا جۇزەگە اسىرىلىپ جاتقان جوبا جۇمىسىن باقىلاپ, زاماناۋي تەحنيكالاردى ىسكە قوسۋ, تۇتىنۋشىلارىن تۇراقتى تۇردە ءسۇت ونىمدەرىمەن قامتاماسىز ەتىپ وتىرعان الىپ كومپانيا جۇمىسىنىڭ جوعارى ناتيجەسىنە كوز جەتكىزۋ. جالپى, «فۋدماستەر» كومپانياسى العاشقى ونىمدەرىن 1995 جىلى شىعارا باستادى.
پاۆلودار اۋدانى, روزوۆكا اۋىلىنداعى «كيروۆ» اتىنداعى سەرىكتەستىككە ءسۇت ونىمدەرىن دايىندايتىن «فۋدماستەر» كومپانياسىنىڭ وكىلدەرى كەلىپ قايتتى. ماقسات – وسى سەرىكتەستىككە قاراستى ەگىستىك القاپتارىن سۋارۋ بويىنشا جۇزەگە اسىرىلىپ جاتقان جوبا جۇمىسىن باقىلاپ, زاماناۋي تەحنيكالاردى ىسكە قوسۋ, تۇتىنۋشىلارىن تۇراقتى تۇردە ءسۇت ونىمدەرىمەن قامتاماسىز ەتىپ وتىرعان الىپ كومپانيا جۇمىسىنىڭ جوعارى ناتيجەسىنە كوز جەتكىزۋ. جالپى, «فۋدماستەر» كومپانياسى العاشقى ونىمدەرىن 1995 جىلى شىعارا باستادى. الماتى وبلىسىنا قاراستى ەسىك قالاسىنداعى ءسۇت زاۋىتىنىڭ تسەحىن جالعا الىپ, ءدامى ءتىل ۇيىرەر يوگۋرت سۋسىنىن ەلىمىزدە ءبىرىنشى بولىپ ءوندىردى. كومپانيانىڭ ونىمدەرى بۇگىندە ەلىمىزدىڭ بارلىق قالالارىنا جەتكىزىلۋدە. وتاندىق نارىقتا ءوز ورنىن الدى. كومپانيانىڭ وندىرىستىك كەشەندەرى الماتى, شىمكەنت جانە پاۆلودار قالالارىندا جۇمىس جاسايدى. سوڭعى جىلدارى ەلىمىزدىڭ ءار تۇكپىرىنە ءوز ونىمدەرىن تاراتۋ ماقساتىندا جۇمساعان ينۆەستيتسياسى 3,5 ملرد. تەڭگەنى قۇراپ وتىرسا, پاۆلودار وبلىسىنا قۇيعان قارجى كولەمى 382 ميلليون تەڭگە كولەمىندە بولىپ وتىر.
وبلىستا جىلىنا 5 مىڭ ليتر ءسۇت وندىرىلەدى. ينۆەستيتسيالار ءوڭىر ەكونوميكاسى مەن اۋىل تۇرعىندارىنا كومەك دەگەن ءسوز. كومپانيانىڭ ديرەكتورى ارمان الدابەرگەنوۆتىڭ ايتۋىنشا, كاسىپورىن سوڭعى ءبىر جىلدىڭ ىشىندە مەملەكەت تاراپىنان 40 ميلليون تەڭگە سۋبسيديا الىپتى. 2006 جىلى روزوۆكا اۋىلىنداعى «كيروۆ» اتىنداعى سەرىكتەستىكتىڭ وندىرىستىك كەشەنىن ساتىپ الىپ, ىسكە قوسقان. قازىر سەرىكتەستىكتەن وبلىس ورتالىعىنداعى ءسۇت زاۋىتى كۇنىنە 150 توننا شيكىزات قابىلدايدى. كاسىپورىن ەندى سالقىنداتقىش قۇرالدارىنىڭ كومەگىمەن جاز مەزگىلىندە شىعاراتىن ءسۇت ونىمدەرىنىڭ مولشەرىن كوبەيتۋدى قولعا الۋدا. ال, «كيروۆ» جشس الداعى ۋاقىتتا وندىرىلەتىن ءسۇتتىڭ جىلدىق كولەمىن 5,2 ميلليون ليترگە جەتكىزبەكشى. ساۋىن سيىرلاردىڭ سانىن 1000 باسقا, ال, مالدىڭ قىستىق جەمشوبىن ازىرلەۋ ءۇشىن سۋارمالى جەر كولەمىن 1000 گەكتارعا جەتكىزىپ, ودان 20500 توننا جەمشوپ جيناۋدى جوسپارلاپ وتىر. بۇل كۇندەرى وبلىس ورتالىعىنداعى «فۋدماستەر» كومپانياسىنىڭ فەرمالارىندا دايىندالعان ءسۇت ونىمدەرى ەلىمىزدىڭ سولتۇستىك, ورتالىق جانە باتىس وڭىرلەرىنە جىبەرىلەدى.
فاريدا بىقاي,
«ەگەمەن قازاقستان».
پاۆلودار وبلىسى.
