تولقىنىڭ تايداي تۋلاپ,
جالىن اتقان,
كوڭىلىن
كورگەن جاننىڭ جادىراتقان
ارمىسىڭ, اينالايىن,
اقجايىعىم,
جايساڭىم,
قوس قۇرلىقتى
جارىپ اققان!
ۇلى وزەن
تولقىنىڭ تايداي تۋلاپ,
جالىن اتقان,
كوڭىلىن
كورگەن جاننىڭ جادىراتقان
ارمىسىڭ, اينالايىن,
اقجايىعىم,
جايساڭىم,
قوس قۇرلىقتى
جارىپ اققان!
كورەمىن
سەنى ەسكى سىرلاسىمداي,
سىرلاسپاي
شىركىن ماۋقىم ءجۇر باسىلماي!
مەن سەنىڭ قاسيەتىڭدى
قاستەر تۇتام –
اياۋلى ءار تولقىنىڭ –
ءبىر عاسىرداي!
مەن سەنى ءبىر كورۋگە
تىم اسىعام,
كەمسىتسە سەنى بىرەۋ –
شىن اشىنام!
تاسىعان كەزىڭدى دە
كوردىم تالاي
كەزىڭدى جۋاسىعان.
قاناڭا سىيماي
اسىپ-تاسىناسىڭ,
ساباڭا ءتۇسىپ كەيىن
باسىلاسىڭ.
قازاقتىڭ
قاسيەتتى توپىراعىنا
ايتەۋىر ءبىر جەتكەنشە اسىعاسىڭ.
شالعايدان
بىزگە ساپار شەككەندەيسىڭ,
بۇل كۇنىڭە
شۇكىرلىك ەتكەندەيسىڭ.
كەڭ قولتىق,
ميداي جازىق قىرلارىما
قاۋىشىپ, مۇراتىڭا جەتكەندەيسىڭ!
كىندىك قانىم تامعان جەر
شىركىن, باتىس!
وتانىمنىڭ ماقتانى!
ءتاتتى تۇستەي كورگەن بالا شاقتاعى...
سەن دەگەندە –
كوز الدىمدا كولبەڭدەپ,
اتا بەرگەي بەيبىت كۇننىڭ اق تاڭى.
پوليگون دەپ اتالاتىن دۇربەلەڭ
باستالعاندا,
مەن ازعىردا جۇرگەن ەم.
شاكىرت ەدىم
ينتەرناتتا وقيتىن
بەيبىت كۇندە قاتەر بارىن بىلمەگەن.
بەلشەمىزدەن باتتىق-تاعى سورعا ءبىز,
ءبىر-اق كۇندە تاراپ كەتتى وردامىز.
ءبىر-اق كۇندە قوش ايتىستىق جايىقپەن
سودان بەرى 17 كۇن جولدامىز.
بۇلتتى بولدى بەيبىت ءومىر اسپانى,
ءبىز دەگەندە قاباعىن ءبىر اشپادى.
جۇك پوەزى
تاشكەنتتەن دە اسىرىپ
ماقتاارالعا ءبىزدى اپارىپ تاستادى.
كۇيىپ تۇرعان تامىزعا جۇرت شىداماي
اۋا رايى
ارىق سۋى ۇناماي
ءار كۇن سايىن 4-5 ادام ولەدى,
وردالىقتار قىرىلعانى قىناد
