بۇل تۋرالى باس پروكۋراتۋرانىڭ ءباسپاسوز قىزمەتى حابارلاپ وتىر. ۇستىمىزدەگى جىلى 31 شىلدەدە ينتەرپولدىڭ فرانتسۋزدىق بيۋروسى م.ءابىلازوۆتىڭ فرانتسيا تەرريتورياسىندا ۇستالعاندىعى تۋرالى مالىمدەدى.
بۇل تۋرالى باس پروكۋراتۋرانىڭ ءباسپاسوز قىزمەتى حابارلاپ وتىر. ۇستىمىزدەگى جىلى 31 شىلدەدە ينتەرپولدىڭ فرانتسۋزدىق بيۋروسى م.ءابىلازوۆتىڭ فرانتسيا تەرريتورياسىندا ۇستالعاندىعى تۋرالى مالىمدەدى.
وزدەرىڭىزگە جاقسى ءمالىم, ەلىمىزدىڭ قۇقىق قورعاۋ ورگاندارى «بتا بانك» اق-تىڭ 5 ملرد. اقش دوللارىنان استام قاراجاتىن ۇرلاعان جانە قىلمىستىق جولمەن تابىلعان تابىستاردى جىلىستاتقان ۇيىمداسقان قىلمىستىق توپتى قۇرۋ مەن وعان باسشىلىق جاساۋ فاكتىلەرى بويىنشا قىلمىستىق ىستەردى تەرگەۋدى ءالى جالعاستىرۋدا.
اتالعان قىلمىستىق ىستەر بويىنشا 2009 جىلعى 6 ناۋرىزدا م.ءابىلازوۆتى ۇستاۋ مەن ەكستراديتسيالاۋ ماقساتىندا قاماۋعا سانكتسيا بەرىلىپ, حالىقارالىق ىزدەۋ جاريالاندى. مۇنىمەن قاتار بىرقاتار قىلمىستاردى جاساۋ ايىپتارى بويىنشا رەسەي مەن ۋكراينانىڭ قۇقىق قورعاۋ ورگاندارى م.ابىلازوۆكە ىزدەۋ جاريالادى.
م.ءابىلازوۆتىڭ جانە ونىڭ سىبايلاستارىنىڭ ارەكەتتەرى كيپر, ۆەنگريا جانە لاتۆيانىڭ قۇقىق قورعاۋ ورگاندارىنىڭ قىلمىستىق تەرگەۋلەرىنە نەگىز بولىپ تابىلدى. يرلانديا مەن فينليانديانىڭ ءۋاكىلەتتى ورگاندارىمەن م.ابىلازوۆپەن اففيليرلەنگەن كومپانيالاردىڭ قىزمەتتەرىنە تەكسەرىستەر جۇرگىزىلۋدە.
2012 جىلعى اقپاندا ۇلىبريتانيادا لوندوننىڭ جوعارى سوتىنىڭ شەشىمىمەن سوتتى قۇرمەتتەمەگەنى ءۇشىن م.ابىلازوۆقا 22 اي مەرزىمگە تۇرمەگە قاماۋ تۇرىندەگى جازا تاعايىندالدى, الايدا ول اعىلشىندىق سوت تورەلىگىنەن بوي تاسالادى.
ەندى, مىنە, ەلىمىزدىڭ قۇزىرلى ورگانى اعىمداعى جىلعى 31 شىلدەدە ينتەرپولدىڭ فرانتسۋزدىق بيۋروسى م.ءابىلازوۆتىڭ فرانتسيا تەرريتورياسىندا ۇستالعاندىعى تۋرالى حابارلادى. قازىرگى ۋاقىتتا م.ءابىلازوۆتى ۇستاۋ جاعدايلارى جونىندە نەعۇرلىم ەگجەي-تەگجەيلى اقپاراتتى فرانتسۋزدىق ارىپتەستەر ۇسىنعان جوق, اقپاراتتىڭ ءتۇسۋ رەتىنە قاراي باس پروكۋراتۋرا قوسىمشا مالىمدەيتىن بولادى, دەپ حابارلادى قازاقستان رەسپۋبليكاسى باس پروكۋراتۋراسىنىڭ ءباسپاسوز قىزمەتى.
