قوعام • 16 قاڭتار، 2020

سنيۋس دەگەنىمىز نە جانە ول نەسىمەن قاۋىپتى؟

2943 رەتكورسەتىلدى

اقتوبە وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى مەن دەپارتامەنتتىڭ قالالىق باسقارماسى بىرلەسە وتىرىپ ءسنيۋستىڭ زياندىلىعى تۋرالى اقتوبە قالاسىنداعى اۆتوجولدار كوللەدجى وقۋشىلارى اراسىندا ءتۇسىندىرۋ جۇمىستارىن جۇرگىزىپ، بروشيۋلار تاراتتى.

«سنيۋس» دەگەنىمىز نە جانە نەسىمەن قاۋىپتى؟ سنيۋس – بۇل ءتۇتىنسىز تەمەكىنىڭ ءبىر ءتۇرى. ءسنيۋستىڭ باستى قاۋىپتىلىگى - ونىڭ قۇرامىندا نيكوتيننىڭ مولشەرى تەمەكىمەن سالىستىرعاندا بىرنەشە ەسە كوپ بولۋى ( 1 دانا تەمەكىدە -1،5 مگ بولسا، سنيۋستا - 20 مگ - 250 مگ دەيىن).

سنيۋس جاسوسپىرىمدەر مەن جاستار اراسىندا كەڭ تارالۋدا، ويتكەنى ونى قابىلداعان كەزدە تەمەكى سياقتى ءيىس شىعىپ، اتا-انالارعا بايقالماۋىنا بايلانىستى.

ءسنيۋستىڭ اعزاعا زياندىلىعى:

بوي ءوسۋىنىڭ باياۋلاۋى جانە توقتاۋى;

ەستە ساقتاۋ قابىلەتى مەن نازار اۋدارۋدىڭ كونتسەنتراتسياسىن ناشارلاۋى;

اشۋشاڭدىق پەن تىتىركەنۋدىڭ جوعارىلاۋى;

يممۋنيتەتتىڭ تومەندەۋى جانە ينفەكتسيالىق اۋرۋلارعا قارسى تۇرا الماۋى;

اۋىز قۋىسىندا، اسقازاندا ونكولوگيالىق اۋرۋلاردىڭ پايدا بولۋى.

ءسنيۋستىڭ الدىن الۋ بويىنشا قازىرگى تاڭدا 22 اكتسيا وتكىزىلىپ، 130 ءدارىس وقىلدى، تۇرعىندارمەن 55 كەزدەسۋ مەن جيىندار وتكىزىلدى، 501 بروشيۋرا تاراتىلدى، 3 تەمەكى ونىمدەرىن ساتۋشىعا اقپاراتتىق حاتتار جولداندى، ءسنيۋستىڭ زياندىلىعى تۋرالى جادىنامالار وبلىستىق ءبىلىم بەرۋ باسقارماسىنا جىبەرىلدى، سونىمەن قاتار، دەپارتامەنتتىڭ جانە  باسقارمالاردىڭ الەۋمەتتىك جەلىلەرىندە جاريالاندى، 5 رەت تەلەارنالارعا سۇحبات بەرىلدى. اقتوبە وبلىسى اكىمى ورىنباسارىنىڭ دەڭگەيىندە اقتوبە قالاسى اكىمىنىڭ جانە اۋدان اكىمدەرى ورىنباسارلارىنىڭ، پوليتسيا دەپارتامەنتى، وبلىستىق ىشكى ساياسات، ءبىلىم، دەنساۋلىق ساقتاۋ، كاسىپكەرلىك جانە جاستار باسقارمالارىنىڭ قاتىسۋىمەن ءتيىستى ءىس-شارالار جوسپارىن قابىلداۋ جونىندەگى كەڭەس وتكىزىلدى.

وسى باعىتتا جۇمىستار جالعاسىپ جاتىر.

ەگەر دە ءسىز وبلىستا ءسنيۋستىڭ ساتىلۋ ورىندارىن بىلسەڭىز، 55-77- 21 نەمەسە 55-77-38 تەلەفون نومەرلەرىنە حابارلاسۋىڭىز سۇرالادى.

سوڭعى جاڭالىقتار

ۇقساس جاڭالىقتار