جۇمىس ساپارى كەزىندە ەڭبەك مينيسترلىگىنىڭ باسشىسى تۇركىستان جانە كەنتاۋ قالالارىنىڭ حالىقتى جۇمىسپەن قامتۋ ورتالىقتارىندا بولىپ, كوپبالالى انالارمەن جانە وبلىستىڭ تابىسى از تۇرعىندارىمەن كەزدەستى جانە ااك-ءتىڭ جاڭا فورماتىن ۇسىنۋ تۋرالى وبلىس قالالارى مەن اۋداندارى اكىمدىكتەرىنىڭ قىزمەتكەرلەرىمەن كونفەرەنتسيا وتكىزدى.
مينيستر ايماقتاعى باعدارلاماسىن تۇركىستان جانە كەنتاۋ قالالارىنداعى جۇمىسپەن قامتۋ ورتالىقتارىنا بارۋدان باستادى. ءبىرجان نۇرىمبەتوۆ جۇمىسپەن قامتۋ ورتالىعىنىڭ قىزمەتكەرلەرىمەن جانە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىلىعىمەن سويلەسكەن كەزدە ااك-گە جۇگىنەتىن ازاماتتاردان قۇجاتتاردى قابىلداۋ كەزىندە اعىمداعى جىلعى 1 قاڭتاردان باستاپ قازاقستاندا اتاۋلى الەۋمەتتىك كومەك كورسەتۋدىڭ جاڭا تەتىكتەرى بويىنشا ناقتى ءتۇسىندىرۋ جۇمىستارىن جۇرگىزۋ قاجەت ەكەنىن اتاپ ءوتتى.
«بىرىنشىدەن, ءسىز ازاماتتارعا ااك تاعايىنداۋ ءۇشىن قۇجاتتاردى قاڭتار ايىنىڭ سوڭىنا دەيىن تاپسىرۋعا بولاتىندىعىن جانە اقپان ايىنا دەيىن بارلىق كريتەريلەرگە سايكەس كەلەتىندەردىڭ بارلىعى اتاۋلى الەۋمەتتىك كومەك الاتىندىعىن ءتۇسىندىرۋىڭىز كەرەك. ازاماتتارعا دۇربەلەڭ مەن جاپپاي كەزەك قۇرۋدىڭ قاجەتى جوق, ءوتىنىش بەرۋگە تاعى جارتى اي بار», – دەدى مينيستر.
ءبىرجان نۇرىمبەتوۆ سونداي-اق ازاماتتار حجقو-عا جانە حالىقتى جۇمىسپەن قامتۋ بولىمدەرىنە جاپپاي جۇگىنگەن جاعدايدا جۇكتى ايەلدەر مەن بالالارى بار ايەلدەردىڭ قۇجاتتارىن قابىلدايتىن جەكە قىزمەتكەرلەر ءبولۋدى ۇسىندى.
ەڭبەك مينيسترلىگىنىڭ باسشىسى ازاماتتاردىڭ ماتەريالدىق جاعدايىن باعالاۋ پروتسەسىندە ۋچاسكەلىك كوميسسيالاردىڭ ءرولىن كۇشەيتۋدى ەسكەرە وتىرىپ, ااك تاعايىنداۋ كەزىندە ولاردىڭ قالاي جۇمىس ىستەۋى كەرەكتىگى تۋرالى ناقتى تۇسىنىك بەردى.
سونداي-اق, كەنتاۋ قالاسىندا مينيستر ااك ارقاسىندا ءوزىنىڭ قارجىلىق جاعدايىن جاقسارتىپ قانا قويماي, ءوز ءىسىن اشۋعا دا مۇمكىندىك العان وتباسىنا باردى.
تۇركىستان قالاسىنا ورالعاننان كەيىن ءبىرجان نۇرىمبەتوۆ قالالىق مادەنيەت سارايىندا كوپبالالى انالار مەن تابىسى از ازاماتتارمەن كەزدەسۋ وتكىزىپ, اتاۋلى الەۋمەتتىك كومەك كورسەتۋ مەن كوپبالالى وتباسىلاردى قولداۋدىڭ جاڭا تاسىلدەرىنىڭ ءمانىن ءتۇسىندىردى.
«مەملەكەت باسشىسى 2 قىركۇيەكتەگى قازاقستان حالقىنا جولداۋىندا ۇكىمەت الدىنا ااك تاعايىنداۋ تەتىگىن ونىڭ اشىقتىعىن, ادىلدىگىن جانە ەڭبەككە ىنتالاندىرۋدى قامتاماسىز ەتۋ ماقساتىندا تۇزەتۋ, سونداي-اق تابىسى از وتباسىلارداعى بالالارعا ارنالعان كەپىلدىك بەرىلگەن الەۋمەتتىك توپتامانى ەنگىزۋ مىندەتىن قويدى. مەملەكەتتىك كومەكتىڭ جاڭا شارالارى كەشەندى جۇزەگە اسىرىلادى جانە وعان كوپبالالى وتباسىلاردى قولداۋ, جاڭعىرتىلعان اتاۋلى الەۋمەتتىك كومەك, تابىسى از وتباسىلارداعى بالالارعا ارنالعان كەپىلدىك بەرىلگەن الەۋمەتتىك توپتاما كىرەدى», – دەدى مينيستر.
ول سونداي-اق, اعىمداعى جىلعى 1 قاڭتاردان باستاپ قازاقستاندا 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنت بالالارى بار كوپبالالى وتباسىلارعا ارنالعان جاڭا مەملەكەتتىك جاردەماقى ەنگىزىلگەنىن اتاپ ءوتتى. بۇل مەملەكەتتىك جاردەماقى وتباسىنىڭ تابىسىنا قاراماستان 42 496 تەڭگەدەن 74 388 تەڭگەگە دەيىن سارالانعان مولشەردە تولەنەدى. وسىنداي تولەمدى اعىمداعى جىلعى قاڭتاردا جالپى سوماسى 17,7 ملرد تەڭگەگە 367 مىڭ وتباسى الدى.
«تابىسى از وتباسىلارعا اتاۋلى الەۋمەتتىك كومەك قاراستىرىلعان. مۇندا بالالار سانى, ءبىر بالا نەمەسە ءتورت بالا بولۋى ماڭىزدى ەمەس. ااك تاعايىنداۋ ءۇشىن باستى كريتەري – بۇل جان باسىنا شاققانداعى ورتاشا تابىسى وتباسىنىڭ ءاربىر مۇشەسىنە ايماقتىق ەڭ تومەنگى كۇنكورىس دەڭگەيىنىڭ 70%-ىنان اسپاۋى ءتيىس. وتباسىنىڭ بارلىق مۇشەلەرى ءۇشىن ااك مولشەرى جان باسىنا شاققانداعى تابىس پەن كەدەيلىك شەگىنىڭ اراسىنداعى ايىرما رەتىندە ايقىندالاتىن بولادى. ااك اشىقتىعىن قامتاماسىز ەتۋ ءۇشىن توقسان سايىن تاعايىندالاتىن بولادى, ال وتباسىنىڭ ماتەريالدىق جاعدايىنا تەكسەرۋ جۇرگىزۋ مەرزىمى 3 كۇننەن 7 كۇنگە دەيىن ۇلعايتىلادى. ەگەر وتباسى ااك قاجەت دەپ ەسەپتەسە, وندا قاڭتار ايىندا الەۋمەتتىك كومەكتى تاعايىنداۋ ءۇشىن قۇجاتتار تاپسىرا الادى. ااك الاتىن بارلىق وتباسىلاردىڭ بالالارىنا مەملەكەت كەپىلدىك بەرگەن الەۋمەتتىك توپتاما ۇسىنىلادى», – دەپ تولىقتىردى نۇرىمبەتوۆ.
ەڭبەك ءمينيسترى اتاپ وتكەندەي, 1 جاستان 6 جاسقا دەيىنگى بالالار ءۇشىن الەۋمەتتىك توپتاماعا ازىق-ت ۇلىك جيىنتىقتارى مەن گيگيەنالىق قۇرالدار ەنگىزىلگەن. 6 جاستان 18 جاسقا دەيىنگى بالالار ءۇشىن مەكتەپتەردە ىستىق تاماق, وقۋ قۇرالدارى مەن مەكتەپ كيىمدەرىن بەرۋ كوزدەلەدى. سونداي-اق, وسى ساناتتاعى بالالار ءۇشىن مەكتەپكە دەيىنگى جول ءجۇرۋ شىعىندارى وتەلەتىن بولادى. مەديتسينالىق, ونىڭ ىشىندە ستوماتولوگيالىق كومەك 18 جاسقا دەيىنگى بالالارعا تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەتىن بولادى.
ءوز ءسوزىن قورىتىندىلاي كەلە, مينيستر كوپبالالى جانە تابىسى از وتباسىلارعا ۇيدە جۇمىس ىستەۋ ءۇشىن دە, ءوز ءىسىن اشۋ ءۇشىن دە كەڭ مۇمكىندىكتەر بەرىلەتىنىن اتاپ ءوتتى.
«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىنا قاجەتتى وزگەرىستەر ەنگىزىلدى. كوپبالالى جانە تابىسى از وتباسى مۇشەلەرىن كاسىپكەرلىككە تارتۋ ءۇشىن ولارعا ميكروكرەديتتەر جىلدىق 4%-دان اسپايتىن پايىزدىق مولشەرلەمەمەن 7 جىلعا دەيىنگى مەرزىمگە جەڭىلدىكتى شارتتارمەن بەرىلەتىن بولادى. بۇدان باسقا, حالىقتىڭ بارلىق ساناتتارى ءۇشىن مەملەكەتتىك گرانتتاردىڭ بىرىڭعاي مولشەرى – 200 اەك بەلگىلەنگەن. سونىمەن قاتار, كوپبالالى جانە تابىسى از وتباسى مۇشەلەرى الدىن الا ءبىلىم الۋسىز گرانت الۋعا قۇقىلى», – دەدى ءبىرجان نۇرىمبەتوۆ.
جۇمىس ساپارىنىڭ سوڭىندا ەڭبەك جانە حالىقتى الەۋمەتتىك قورعاۋ ءمينيسترى تابىسى از وتباسىلارداعى بالالارعا ارنالعان كەپىلدىك بەرىلگەن الەۋمەتتىك توپتاما بەرۋ شەڭبەرىندە ساتىپ الىناتىن دايىن ازىق-ت ۇلىك پەن گيگيەنالىق جيىنتىقتاردى كورىپ, وبلىس قالالارى مەن اۋداندارى اكىمدىكتەرىنىڭ قىزمەتكەرلەرىمەن جاڭا فورماتتاعى ااك كورسەتۋ ماسەلەلەرى بويىنشا سەلەكتورلىق كەڭەس وتكىزدى.
ەستەرىڭىزگە سالا كەتەيىك, 2019 جىلى قر پرەمەر-ءمينيسترىنىڭ ورىنباسارى بەردىبەك ساپارباەۆتىڭ وڭىرلەرگە جۇمىس ساپارى اياسىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ شىعىس قازاقستان, قاراعاندى, قىزىلوردا, اتىراۋ, باتىس قازاقستان, تۇركىستان, اقتوبە, پاۆلودار, اقمولا, الماتى, سولتۇستىك قازاقستان, قوستاناي جانە ماڭعىستاۋ وبلىستارىنىڭ, سونداي-اق نۇر-سۇلتان, الماتى, شىمكەنت قالالارىنىڭ تۇرعىندارىمەن ااك تاعايىنداۋدىڭ جاڭا تەتىكتەرى تۋرالى ءتۇسىندىرۋ جۇمىستارىن جۇرگىزدى.
قازىرگى ۋاقىتتا ءبىرجان نۇرىمبەتوۆپەن قاتار, ەلىمىزدىڭ وڭىرلەرىندە قر ەڭبەك جانە حالىقتى الەۋمەتتىك قورعاۋ ۆيتسە-مينيسترلەرى ءتۇسىندىرۋ جۇمىستارىن جۇرگىزۋدە.
