«حالىقتىڭ شىن پەيىلىنەن شىققان العىستان اسقان باعا جوق. وسىنى ۇمىتپاڭىزدار. ءار ءىستى بارىنشا بەرىلىپ ىستەگەندە عانا ناتيجەگە جەتۋگە بولادى. قوزبوياۋشىلىققا جول جوق. مەن ەشكىمگە قولدان كەلمەيتىن تاپسىرما جۇكتەمەيمىن. وتكەن جىلدىڭ قورىتىندىسى بويىنشا بارلىق سالادا اۋىز تولتىرىپ ايتار جەتىستىكتەر بار. بىراق مۇنىمەن توقتاۋعا بولماس. الدىمىزدا مۇنان دا زور, مۇنان دا بيىك مىندەتتەر تۇر» دەدى ومىرزاق ەستاي ۇلى لەزدەمەلىك ماجىلىستە. سونداي-اق وبلىس اكىمى كومەككە ءزارۋ وتباسىلارعا مەملەكەت تاراپىنان بەرىلەتىن جاردەمنەن باسقا دا قولداۋ كورسەتۋدى جەتىلدىرۋدىڭ ءتيىمدى تەتىكتەرىن تابۋدى جۇكتەدى. ءاربىر اۋدان مەن اۋىل باسشىلارىن ونداي ازاماتتارمەن جەكە جۇمىس ىستەۋدى مىندەتتەدى.
تۇركىستان مەن كەنتاۋ قالالارىن دامىتۋعا بيىل دا باسىمدىق بەرىلمەك. الەۋمەتتىك سالا – باستى نازاردا. حالىقتى اۋىزسۋمەن, گازبەن, جارىقپەن, ساپالى جىلۋمەن قامتاماسىز ەتۋ جالعاسىن تابادى. تاس جولداردىڭ توسەلۋى, جوندەلۋى, كوشەلەردى جارىقتاندىرۋ مەن كوگالداندىرۋ, اباتتاندىرۋ, سۋلاندىرۋ جۇمىستارى - وبلىس باسشىسىنىڭ قاتاڭ باقىلاۋىندا بولماق. تۇركىستاندى جاسىل جەلەككە بولەۋ بويىنشا جوسپارلانعان اعاش وتىرعىزۋ جۇمىستارى ناۋرىز ايىندا تولىق اياقتالۋى ءتيىس. قالادا سالىنىپ جاتقان كوپقاباتتى تۇرعىن ۇيلەردىڭ قاتارى كوبەيەدى. حالىقارالىق اۋەجاي مەن وندا بارار جولدىڭ قۇرىلىسىنا 100-دەن استام تەحنيكا مەن 300-دەن استام جۇمىسشى جۇمىلدىرىلعان.
ايتا كەتەلىك, تۇركىستاننان 16 شاقىرىم قاشىقتىقتا ورنالاسقان 900 گەكتار جەرگە اۋەجاي سالۋدى تۇرىكتەردىڭ «Yda Insaat group» كومپانياسى مىندەتىنە العان. حالىقارالىق ستاندارتقا ساي تەرمينال جىلىنا 3 ملن جولاۋشىعا قىزمەت كورسەتەتىن بولادى. اۋەجاي قۇرىلىسىن جىل سوڭىندا تولىق اياقتاۋ جوسپارلانعان.
