«بۇل اكتسيانى ءبىز تۇراقتى تۇردە وتكىزەمىز. جىل بويى ۇوس مەن تىل ارداگەرلەرى, جالعىز باستى زەينەتكەرلەر ءۇشىن 145 ازىق-ت ۇلىك سەبەتىن ۇلەستىرۋدى جوسپارلاپ وتىرمىز. بۇگىن ءبىز 10 كومەككە مۇقتاج تۇرعىنعا باردىق. وسىنداي شارالاردىڭ ارقاسىندا ەلوردالىق جاستار قالانىڭ الەۋمەتتىك ومىرىنە بەلسەندى قاتىسىپ, بويىنداعى مەيىرىمدىلىك, ادامگەرشىلىك قاسيەتتەرىمەن بولىسەدى» دەپ اتاپ ءوتتى «استانا جاستارى» كمم ۆولونتەرلىك قوزعالىستى دامىتۋ ءبولىمىنىڭ باسشىسى ەلۆيرا ەسمۇحانوۆا.
جاستار ادەتتەگىدەي زەينەتكەرلەر مەن جالعىز باستى قالا تۇرعىندارىنا قار تازالاۋعا كومەك كورسەتۋدە.
«مەن «استانا جاستارى» جاستار رەسۋرستىق ورتالىعىنىڭ ۆولونتەرىمىن. كوپتەگەن قالالىق الەۋمەتتىك-ماڭىزدى جوبالار مەن ءىس-شارالارعا قاتىسامىن. كەز كەلگەن ادام مۇقتاج ادامدارعا كومەك كورسەتە وتىرىپ, الەمدى جاقسىراق ەتەدى دەپ سەنەمىن» دەپ ەسەپتەيدى ادىلەت بايبوسىنوۆ.
ۆولونتەرلەر جىلى ۇرپاقتار ساباقتاستىعىنىڭ تىعىز بايلانىسىن اتاپ وتۋگە تاعى ءبىر سەبەپ بولدى. ۇلكەندەرگە قۇرمەت – رۋحاني كەمەل قوعامنىڭ ايرىقشا بەلگىسى ەكەنى بەلگىلى.
