سەناتور ساپار بارىسىندا ۇمتىل اۋىلدىق وكرۋگىنىڭ اۋماعىندا ورنالاسقان «الەل-اگرو» قۇس فابريكاسىندا بولدى. كەزدەسۋدە ازاماتتار دەپۋتاتقا كاسىپورىننان شىعاتىن جاعىمسىز يىسكە بايلانىستى شاعىمدارىن جەتكىزدى. تۇرعىندار شاعىمدارىن قاراۋعا ۇمتىل جانە ەلتاي اۋىلدىق وكرۋگتەرىنىڭ جەرگىلىكتى اتقارۋشى بيلىگىنىڭ وكىلدەرى, پروكۋراتۋرا, ساۋلەت, جەر قاتىناستارى, كاسىپكەرلىك, اۋىل شارۋاشىلىعى بولىمدەرىنىڭ قىزمەتكەرلەرى, سونداي-اق اۋداندىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ باسشىلارى شاقىرىلدى.
كاسىپورىن باسشىلىعى دابىل العاننان كەيىن ءوندىرىس قالدىقتارىن جويۋ توقتاتىلعانىن ايتتى. ورىن العان كەلەڭسىزدىككە بايلانىستى قۇس فابريكاسىنىڭ وكىلدەرى اقتالا كەلىپ: «پەش 2019 جىلدىڭ 10 جەلتوقسانىنان باستاپ جۇمىس ىستەمەيدى, ونى بۇزۋ جوسپارلانىپ وتىر. كەلىسىم-شارتقا سايكەس ءوندىرىس قالدىقتارى جويۋى ءۇشىن باسقا ۇيىمدارعا اكەتىلەدى. ساياجاي تۇرعىندارىنىڭ مازاسىن الماۋ ءۇشىن دەزينفەكتسيا جۇمىستارىن كۇندىز وتكىزۋگە ۋادە بەرىلدى» دەدى. ۆلاديمير ۆولكوۆ اۋدان اكتيۆىنە وسى ماسەلەنى باقىلاۋعا الۋدى ءوتىندى.
پارلامەنت جوعارعى پالاتاسىنىڭ دەپۋتاتى تەمىرجول ارقىلى وتەتىن جاياۋ جۇرگىنشىلەر كوپىرىنىڭ قۇرىلىسىمەن تانىسۋ ءۇشىن شامالعان ستانتسياسىندا بولدى. ءبىر توپ سەنات دەپۋتاتتارى ەلىمىزدىڭ پرەمەر-ءمينيسترى ا.ءماميننىڭ اتىنا 2018 جىلى دەپۋتاتتىق ساۋال جولداعان بولاتىن. ويتكەنى, جاياۋ جۇرگىنشىلەر كوپىرىنىڭ جانە اۆتوجول وتكەلىنىڭ بولماۋىنا بايلانىستى جەرگىلىكتى تۇرعىنداردىڭ كوپتەگەن وتىنىشتەرى بولعان ەدى. جوبالاۋ-سمەتالىق قۇجاتتاردى جانە تەحنيكالىق سيپاتتامالاردى زەردەلەي كەلىپ, ۆلاديمير ۆولكوۆ اۋدان تۇرعىندارى ءۇشىن كوپىردىڭ ىڭعايلى بولۋى كەرەكتىگىن اتاپ ءوتتى.
