سەناتورلار تۇرعىندارمەن كەزدەسۋلەردە زاڭناماداعى وزگەرىستەر تۋرالى جانە «پەداگوگ مارتەبەسى تۋرالى» جاڭا زاڭ مەن قازاقستان رەسپۋبليكاسىنىڭ ءبىلىم جانە عىلىم, دەنساۋلىق ساقتاۋ سالاسىن دامىتۋدىڭ 2020-25 جىلدارعا ارنالعان مەملەكەتتىك باعدارلاماسىنىڭ نەگىزگى ەرەجەلەرىن ءتۇسىندىردى.
ابدالى نۇراليەۆ پارلامەنتتىڭ جوعارعى پالاتاسىنىڭ زاڭ شىعارۋ قىزمەتى تۋرالى حاباردار ەتىپ, زاڭناماداعى ەسىرتكى ساۋداسىنا, ماس كۇيىندە كولىك جۇرگىزۋگە, كامەلەتكە تولماعان بالالارعا زورلىق-زومبىلىق كورسەتۋ مەن مال ۇرلىعىنا قاتىستى وزگەرىستەرگە نازار اۋداردى.
پارلامەنتشىلەر سونداي-اق جەرگىلىكتى جاستاردىڭ رەسۋرستىق ورتالىعىنىڭ جۇمىسىمەن تانىستى. دەپۋتاتتار اۋداندىق جۇمىسپەن قامتۋ ورتالىعىندا كوپ بالالى انالارعا جاڭا جۇيە بويىنشا اتاۋلى الەۋمەتتىك كومەك تولەۋ ەرەجەلەرى تۋرالى ايتىپ, تۇرعىندار اراسىندا وسىنداي ءتۇسىندىرۋ شارالارىن وتكىزۋدىڭ ماڭىزدى ەكەنىن اتاپ ءوتتى. جينالعاندار وزدەرىنىڭ كوكەيكەستى سۇراقتارىنا جان-جاقتى جاۋاپ الدى.
پارلامەنت جوعارعى پالاتاسى دەپۋتاتتارىنىڭ جۇمىس ساپارى سارىكەمەر اۋىلىنىڭ سپورتتىق-ساۋىقتىرۋ كەشەنىندە اياقتالدى. مۇراتباي جولداسباەۆ كەزدەسۋ بارىسىندا جۇمىس ساپارىنىڭ ماقساتى تۋرالى ايتىپ, وبلىستاعى وزەكتى ماسەلەلەر بويىنشا جۇزەگە اسقان دەپۋتاتتىق ساۋالدارعا توقتالدى.
