رۋحاني جاڭعىرۋ باعدارلاماسى اياسىندا ۋنيۆەرسيتەتىمىزدە «اباي الەمىنە ساياحات» كلۋبىنىڭ جۇمىس جاساپ جاتۋى دا – ۇلى ابايدى ۇلىقتاۋ. جاس ۇرپاقتى اباي ونەگەسىمەن تاربيەلەپ, ۇلى ابايدىڭ مۇراسىن ناسيحاتتاۋ ارقىلى جاستارعا رۋحاني سەرپىن سىيلاي الساق, ۇلى ارمانىمىزدىڭ ورىندالعانى دەر ەدىم. ەكى عاسىرعا جۋىق ۋاقىت وتسە دە, اباي مۇرالارىنىڭ قۇندىلىعى جويىلعان جوق. ونى بۇگىنگى جاستارىمىزدىڭ تەرەڭ زەردەلەي الۋىنا جول اشۋىمىز كەرەك. سەبەبى بىزدەر ءححى عاسىردىڭ بولاشاق عالىمدارى مەن ماماندارىن دايارلاپ جاتىرمىز. ۇرپاق ءۇشىن ابايدىڭ وسيەت, تۇجىرىمدارىنىڭ بۇرىنعىدان دا ماڭىزدىراق, بۇرىنعىدان دا وزەكتىرەك بولاتىنى ايدان انىق. پرەزيدەنتشە ايتسام, ء«ححى عاسىرداعى عىلىمنىڭ ماقساتى بيىككە ۇمتىلۋ, الىسقا قۇلاش سەرمەۋ ەكەنىن كورىپ وتىرمىز... وسكەلەڭ ۇرپاق, اباي ايتقانداي, عىلىمدى تولىق يگەرسە, ءوز ءتىلىن قۇرمەتتەسە ءارى شىن مانىندە پوليگلوت بولسا, ۇلتىمىزعا تەك يگىلىك اكەلەرى ءسوزسىز...». وسىلايشا ابايدى تانۋ ارقىلى ءبىز ءوزىمىزدى ءوزىمىز تانىپ كەلەمىز.
قازاقتىڭ ءبىتىم-بولمىسىن, مادەنيەتىن اباي ارقىلى تانىتۋدى كوزدەگەن ماقالانىڭ بەرەر تاعىلىمى وتە زور.
ش.ەسەنوۆ اتىنداعى كمتجيۋ
رەكتورى بەرىك احمەتوۆ,
اقتاۋ قالاسى
