د.نوكەتاەۆا «پەداگوگ مارتەبەسى تۋرالى» جاڭا زاڭنىڭ ەرەجەلەرى مەن تالاپتارى تۋرالى ايتىپ بەردى. بۇل زاڭ جارتى ميلليوننان استام وقىتۋشىلاردىڭ جۇمىسىن رەتتەيدى. دەپۋتات پەداگوگتاردىڭ قۇقىقتارىن كەڭەيتۋ, اۋىرتپالىقتى ازايتۋ, مۇعالىم قىزمەتىنە قويىلاتىن تالاپتاردى كۇشەيتۋ, ماتەريالدىق ەمەس ىنتالاندىرۋ مەن ماتەريالدىق تۇرعىدا قولداۋ تەتىكتەرىن ەگجەي-تەگجەيلى ءتۇسىندىردى.
ن.ءجۇسىپ «مىندەتتى الەۋمەتتىك مەديتسينالىق ساقتاندىرۋ تۋرالى» زاڭ قابىلدانعاننان كەيىن حالىقتى الەۋمەتتىك قورعاۋدىڭ قوسىمشا ءتۇرى رەتىندە مىندەتتى الەۋمەتتىك ساقتاندىرۋ, جۇمىس ىستەيتىن ازاماتتاردى الەۋمەتتىك قاتەرلەر تۋىنداعان جاعدايدا قامتاماسىز ەتۋ ءۇشىن مەملەكەت قابىلدايتىن شارالار جۇيەسى ەنگىزىلگەنىن اتاپ ءوتتى.
جۇمىس ىستەيتىن ازاماتتارعا الەۋمەتتىك جاردەماقى تولەۋ, جۇمىسقا ورنالاسۋ, اسىراۋشىسىنان ايىرىلۋ, جۇكتى بولۋى مەن بوسانۋى جانە 1 جاسقا دەيىنگى بالا كۇتىمى جونىندەگى باپتار ەگجەي-تەگجەيلى ءتۇسىندىرىلدى. دەپۋتات مىندەتتى الەۋمەتتىك مەديتسينالىق ساقتاندىرۋدىڭ نەگىزگى قاعيدالارى تۋرالى حاباردار ەتتى جانە ەندى ءاربىر ازاماتتىڭ دەنساۋلىعى ءۇشىن ادام, جۇمىس بەرۋشى جانە مەملەكەت جاۋاپتى ەكەنىن اتاپ ءوتتى.
پارلامەنتشىلەر تاريحي-مادەني مۇرا ماسەلەلەرى بويىنشا زاڭنامانىڭ نەگىزگى ەرەجەلەرىن دە ءتۇسىندىردى.
