دەنساۋلىق ساقتاۋدى دامىتۋ مەن وعان قول جەتكىزۋ مۇمكىندىكتەرىن جاقسارتۋ باعدارلاماسى جانە مىندەتتى مەديتسينالىق الەۋمەتتىك ساقتاندىرۋدى جۇزەگە اسىرۋ اياسىندا دەپۋتاتتار 8 اۋىلدىق وكرۋگتىڭ جۇمىسىمەن تانىستى. پارلامەنتشىلەر وسى وكرۋگتەردەگى اۋداندىق ەمحانالار مىندەتتى مەديتسينالىق الەۋمەتتىك ساقتاندىرۋ جۇيەسىنە قوسىلۋعا دايىن ەكەنىن اتاپ ءوتتى.
دەپۋتاتتار «نۇر وتان» پارتياسى عيماراتىندا ازاماتتارعا جاڭا سيپاتتاعى اتاۋلى الەۋمەتتىك كومەكتى تولەۋدەگى وزگەرىستەردى ءتۇسىندىردى.
پارلامەنتشىلەر ۆەتەريناريا سالاسىنداعى زاڭنامانىڭ بۇزىلۋىنان تۋىندايتىن ماسەلەلەر بويىنشا بىرقاتار كەزدەسۋ وتكىزدى, وعان اۋدان باسشىلارى مەن اۋىل شارۋاشىلىعىنىڭ ماماندارى قاتىستى. مال ۇرلىعىنىڭ ماسەلەلەرى تالقىلاندى, اۋداننان اكەلىنگەن مالدى تەكسەرۋ ءۇشىن كۇرە جولدارعا جول پوليتسياسىنىڭ بەكەتتەرىن قايتارۋ, وكرۋگتەردەگى ۋچاسكەلىك پوليتسيا شتاتىن ۇلعايتۋ بويىنشا ۇسىنىستار ەنگىزىلدى.
ن.تورەعاليەۆ پەن ە.مۇقاەۆ دەنە شىنىقتىرۋ-ساۋىقتىرۋ ورتالىعىنىڭ قۇرىلىسىمەن, ورتالىق كىتاپحانا مەن جاستارعا ارنالعان قازىرگى زامانعى «سامعاۋ» كوۆوركينگ-ورتالىعىنىڭ قىزمەتىمەن تانىستى.
