كەزدەسۋ بارىسىندا بىرقاتار ماسەلەلەر, ونىڭ ىشىندە الماتى وبلىسىنداعى مال ۇرلىعىنىڭ كوپتەگەن فاكتىلەرى تالقىلاندى. اۋدان اۋماعىندا 116 937 ءىرى قارا, 342 266 ۇساق مال, 24 353 جىلقى, 99 تۇيە تىركەلگەن. اۋدان بويىنشا مال ۇرلىعىنىڭ 972 فاكتىسى تىركەلگەن, بۇل رەتتە 688 فاكتى اشىلماعان. قاداعالاۋ ورگانى مال ۇرلىعى جونىندەگى قىلمىستىق جاعدايدى ساۋىقتىرۋعا باعىتتالعان مال ۇرلىعىنا قارسى كۇرەس بويىنشا پيلوتتىق جوبا ۇسىنىپ وتىر. پيلوتتىق جوبا بويىنشا مالعا, جىلقىنىڭ اشىق جەرىنە اۋدانداعى اۋىلدىق وكرۋگتەردىڭ ءار پوسەلكەسىنىڭ پوشتالىق يندەكس تسيفرىن سۋىق تۇردەگى ازوتپەن تاڭبا سالىپ, بەلگىلەۋ ءادىسىن پايدالانانىلادى. سونداي-اق ءىرى قارا مەن تۇيەنى اكىمدىكتىڭ مال ەسەبى جونىندەگى كومپيۋتەردەگى دەرەكقورىنا مىندەتتى تۇردە تىركەي وتىرىپ, وبلىستىق ىشكى ىستەر ورگاندارىندا دا سونداي مالىمەتتەر بازاسىن جاساۋ ۇسىنىلىپ وتىر. جوباعا ءىرى شارۋا قوجالىقتارىنىڭ باسشىلارى قولداۋ بىلدىرۋدە. جوبانى ىسكە اسىرۋ بيۋدجەت قاراجاتىن قىسقارتۋعا, ماسەلەن, جەدەل-ىزدەستىرۋ شارالارى مەن قىلمىستىڭ الدىن الۋعا مۇمكىندىك بەرەدى. «وسى پيلوتتىق جوبانى ىسكە اسىرۋ ناتيجەلەرىن كوميتەتتىڭ كوشپەلى وتىرىسىندا ازىرلەۋشىلەرمەن بىرگە تىڭداۋ ورىندى بولار ەدى» دەدى سەناتور.
سونىمەن قاتار ون التى جاسقا تولماعان اداممەن جىنىستىق قاتىناس جاساعانى نەمەسە وزگە دە ناپسىقۇمارلىق سيپاتتاعى ءىس-ارەكەتتەر ءۇشىن جاۋاپكەرشىلىككە قاتىستى ەلىمىزدىڭ قىلمىستىق كودەكسىندەگى 122-باپتىڭ 3-بولىگىن قايتا قاراۋ تۋرالى ۇسىنىستار ايتىلدى.
سول كۇنى وبلىستىق پوليتسيا دەپارتامەنتى باسشىلىعى مەن پوليتسيا باسقارماسى جەكە قۇرامىنىڭ, ەڭبەكشىقازاق اۋدانى اكىمىنىڭ, ءماسليحات دەپۋتاتتارىنىڭ قاتىسۋىمەن سەمينار-كەڭەس ءوتتى.
سەناتور ۆلاديمير ۆولكوۆ ءوز بايانداماسىندا قازاقستاننىڭ تۇڭعىش پرەزيدەنتى – ەلباسى ءىىم الدىنا قۇقىق بۇزۋشىلىقتارعا مۇلدەم توزبەۋشىلىكتى قالىپتاستىرۋ مىندەتىن قويعانىن اتاپ ءوتتى. مەملەكەت باسشىسى قاسىم-جومارت توقاەۆ وتكەن جىلى ءساۋىر ايىندا ءىىم باسشىلىق قۇرامىمەن وتكەن كەڭەس بارىسىندا «پوليتسيا جۇمىسى بۇكىل قوعامنىڭ ءجىتى نازارىندا. سىزدەردىڭ قىزمەتتەرىڭىز ەل ازاماتتارىنىڭ مۇددەلەرى مەن قاۋىپسىزدىگىمەن استاسىپ جاتىر. سوندىقتان ءىىم-ءنىڭ جۇمىسى ناقتى, جۇيەلى تۇردە ۇيىمداستىرىلۋى ءتيىس. پوليتسيا اشىق بولۋى كەرەك. ول ءۇشىن قوعاممەن ديالوگ قاجەت» دەپ اتاپ وتكەن بولاتىن.
دەپۋتات زاڭناماداعى جاڭالىقتار تۋرالى ەگجەي-تەگجەيلى ايتىپ بەردى. قۇقىق قورعاۋ جۇيەسىن رەفورمالاۋدىڭ نەگىزگى ەرەجەلەرى تالقىلاندى جانە بىرقاتار سۇراقتارعا جاۋاپ بەردى.
ۆلاديمير ۆولكوۆ سونداي-اق اۋدانارالىق كوپ سالالى اۋرۋحانادا دا بولدى. اۋداننىڭ باس دارىگەرى ءجاميليا ابەۋوۆا مەديتسينا مەكەمەسىنىڭ جۇمىسى جانە الداعى دامۋ جوسپارلارى تۋرالى ايتىپ بەردى. ستاتسيونار مەن پەرزەنتحاناعا 2019 جىلدان ىسكە اسا باستاعان دامۋمەد اۆتوماتتاندىرىلعان كەشەندى مەديتسينالىق جۇيەسى ەنگىزىلدى. كەزەك كۇتتىرمەيتىن شۇعىل جاردەم ءبولىمى «Triag» جۇيەسى بويىنشا جۇمىس ىستەيدى.
اۋداندا ەكى اۋرۋحانا جۇمىس ىستەيدى. ەڭبەكشىقازاق كوپسالالى اۋدانارالىق اۋرۋحاناسى قۇرامىندا 298 دارىگەر, 1286 مەدبيكە جانە فەلدشەر, ال شەلەك اۋىلىنىڭ اۋداندىق اۋرۋحاناسىندا 66 دارىگەر, 211 ورتا بۋىن مەديتسينا قىزمەتكەرى جۇمىس ىستەيدى.
2019 جىلى مەديتسينالىق ۇيىمنىڭ 17 مامانى كوتەرمە جاردەماقى الدى, ال 5 مامان «ديپلوممەن – اۋىلعا» باعدارلاماسى بويىنشا تۇرعىن ءۇي ساتىپ الۋعا بيۋدجەتتىك نەسيە الدى.
سەناتور 2020 جىلدىڭ 1 قاڭتارىنان باستاپ كۇشىنە ەنەتىن جاڭالىقتار تۋرالى, اتاپ ايتقاندا, مىندەتتى مەديتسينالىق ساقتاندىرۋدى ەنگىزۋ ماسەلەلەرى جايىندا ايتىپ بەردى. شارا بارىسىندا حالىقتى مىندەتتى الەۋمەتتىك-مەديتسينالىق ساقتاندىرۋدى كەڭىنەن قامتۋدى ەنگىزۋ ماسەلەسى بويىنشا ءتۇسىندىرۋ جۇمىستارىن كۇشەيتۋ تۋرالى ۇسىنىستار ايتىلدى. دارىگەرلەرمەن, مەديتسينا قىزمەتكەرلەرىمەن كەزدەسۋدە دەنساۋلىق ساقتاۋدى دامىتۋدىڭ 2020-2025 جىلدارعا ارنالعان جاڭا مەملەكەتتىك باعدارلاماسى تالقىلاندى, ونىڭ نەگىزگى ماقساتى – ساپالى جانە قولجەتىمدى دەنساۋلىق ساقتاۋدى قامتاماسىز ەتۋ بولىپ تابىلادى. جالپى العاندا, بۇل باعدارلامانى دارىگەرلەر قولدايدى, الايدا, ولاردىڭ پىكىرىنشە, ونى جۇزەگە اسىرۋ كۇمان تۋعىزادى.
«بۇگىن كوتەرىلگەن وزەكتى ماسەلەلەر, ايتىلعان ۇسىنىستار كوميتەت جۇمىسى بارىسىندا زەردەلەنەدى جانە ەسكەرىلەتىن بولادى» دەدى سەناتور.
