دوڭگەلەك ۇستەلدىڭ سپيكەرلەرى رەتىندە وقۋ ورنىنىڭ تاربيە ءىسى جونىندەگى پرورەكتورى, قازاقستان رەسپۋبليكاسىنىڭ ەڭبەك سىڭىرگەن قايراتكەرى, پروفەسسور قىمبات تلەۋوۆا, تاربيە جۇمىسى جانە جاستار ءىسى جونىندەگى ءبولىمنىڭ باسشىسى ەرجان ق ۇلىمبەتوۆ جانە قازۇوۋ كوللەدجىنىڭ تاربيە ءبولىمىنىڭ باسشىسى حايدار تابەشەۆ ءسوز سويلەدى.
ءىس-شارا بارىسىندا قاسىم-جومارت كەمەل ۇلى توقاەۆتىڭ «اباي جانە ءححى عاسىرداعى قازاقستان» اتتى ۇلى ابايدىڭ 175 جىلدىعىنا جانە ونىڭ رۋحاني مۇراسىنىڭ قازىرگى قوعام ءۇشىن ماڭىزدىلىعىنا ارنالعان ماقالاسى تالقىلاندى.
قازاقستان رەسپۋبليكاسى پرەزيدەنتىنىڭ ماقالاسىنداعى «ۇلتتىق بولمىستىڭ ۇلگىسى», «مەملەكەت ءىسىنىڭ مۇددەلەسى», «جاڭا قوعامنىڭ جاناشىرى», «الەمدىك مادەنيەتتىڭ تۇلعاسى», «تورقالى تويدىڭ تاعىلىمى» اتتى نەگىزگى بولىمدەردە ايتىلعان وي-پىكىرلەر ساراپقا سالىندى.
ال ستۋدەنتتەر قاۋىمى ابايدىڭ ۇلتتىق تاريح پەن قازاق حالقىنىڭ رۋحاني دامۋىندا وشپەس ءىز قالدىرعاندىعى, اقىن شىعارمالارىنان ۇزىندىلەر وقۋ بويىنشا ەستافەتا وتكىزۋدىڭ ماڭىزى, عاسىر اقىنىنىڭ مەرەيتويىن اتاپ ءوتۋدىڭ نەگىزگى باعىتتارى, ابايدىڭ ارمانى مەن بۇكىل ۇلت پەن ادامزات بالاسىنىڭ ارمانى ۇندەس ەكەندىگى تۋرالى وزىندىك كوزقاراستارىن ءبىلدىردى.
