اقپاراتتىڭ كوپتىگى سوندايلىق, ونى باق-تىڭ ءوزى يگەرە الماي قالاتىن زاماندا ءومىر سۇرۋدەمىز. اعىنى قاتتى الاساپىران اقپارات تاسقىنىنىڭ اراسىنان «كەلى» دەگەن ءبىر ءسوزدى وقىعاندا ياكي ەستىگەندە, اتتەڭ-اي... قازاق جۋرناليستيكاسىنىڭ وتىمەن كىرىپ, ك ۇلىمەن شىققان تالاي ارىپتەستەردىڭ سيپاقتاپ قالارىن سەزىپ تە, ءبىلىپ تە, كورىپ تە ءجۇرمىز.
اقپاراتتىڭ كوپتىگى سوندايلىق, ونى باق-تىڭ ءوزى يگەرە الماي قالاتىن زاماندا ءومىر سۇرۋدەمىز. اعىنى قاتتى الاساپىران اقپارات تاسقىنىنىڭ اراسىنان «كەلى» دەگەن ءبىر ءسوزدى وقىعاندا ياكي ەستىگەندە, اتتەڭ-اي... قازاق جۋرناليستيكاسىنىڭ وتىمەن كىرىپ, ك ۇلىمەن شىققان تالاي ارىپتەستەردىڭ سيپاقتاپ قالارىن سەزىپ تە, ءبىلىپ تە, كورىپ تە ءجۇرمىز.
ءبىزدىڭ بىلۋىمىزشە, مەكتەپتىڭ 6-سىنىبىندا فيزيكا پانىندە تايعا تاڭبا باسقانداي ەتىپ, كيلوگرامنىڭ «قازاقشا» اتاۋى دا «كيلوگرامم» – ول حالىقارالىق ستاندارتتىق ولشەم بىرلىگى دەپ جازىلعان ەمەس پە ەدى؟! 1901 جىلدان بەرى سولاي, دۇنيەجۇزىلىك قۇزىرلى ۇيىم سولاي بەكىتكەن. قىسقارتىلعان بەلگىسى: قازاقشا – كگ., اعىلشىنشا – kg. «Kilogramme» – ءحىح عاسىردان قالعان فرانتسۋز ءسوزى. ال, اعىلشىندار باسى ءبۇتىن سول قالپىندا قابىلداعان. قازاقتىڭ «كەلىسى» اعىلشىننىڭ «كيلوسىنىڭ» اۋدارماسى ەكەنى انىق. اقش كونگرەسى 1866 جىلى قىسقارتىلعان «kilo» ءسوزىن قولدانىسقا بالاما رەتىندە زاڭداستىرعانمەن, 1990 جىلى ول شەشىمىن توقتاتتى. سودان حالىقارالىق سالماق پەن ولشەم كوميتەتى 2011 جىلعى كەزەكتى ءماسليحاتىندا كيلوگرامم-نىڭ اتاۋىنا دا, ولشەم بىرلىگىنە دە ءالى-ازىرگە «تيىسپەۋ» تۋرالى تۇبەگەيلى شەشىم قابىلدادى.
ەندەشە, بىزگە نە جورىق, تەلەديدار مەن گازەتتەردە – «جۇلقا كوتەرگەنى 100 كەلى...» «100 كەلىدەن جوعارى سالماقتا جۇدىرىقتاستى» , ت.ب. دەپ, جاڭىلىسپاي وقىپ, شاتاسپاي جازىپ كەلەمىز! ساعاتىنا 100 كەلى نەمەسە 100 كەلىمەتر جىلدامدىقپەن جۇرمەگەنىمىزگە شۇكىر, ايتەۋىر! دەسەك تە, قازىر ءبىزدىڭ ەلىمىزدە كوزگە تۇسە بەرمەگەنمەن, قازاقتىڭ ءتىلى مەن ءدىلىن ءتاپ-ءتاۋىر مەڭگەرگەن الىس-جاقىن شەتەلدىكتەردىڭ قاتارى ءۇستى-ۇستىنە مولايىپ كەلەدى. ەڭ بولماسا, سولاردى «شاتاستىرماۋ» جاعىن ويلاسايىقشى, باۋىرلار!
تالعات ءسۇيىنباي,
جۋرناليست.
الماتى.
