وڭىردەگى 40 مىڭنان استام وقۋشى وبلىستىق بيۋدجەتتىڭ ەسەبىنەن, ال 500 وقۋشى شارۋا قوجالىقتارىنىڭ دەمەۋشىلىگىنىڭ ارقاسىندا تەگىن تاماقپەن قامتىلادى.
دەمەۋشىلەردىڭ قاتارىندا «لۋگانسك» وك, «پوبەدا» جانە «گاليتسكوە» جشس, «نادەجدا», «ارمان», «شكۋركو» جانە «رودنيك» شارۋا قوجالىقتارى بار.
وتكەن جىلى ءوڭىر مەكتەپتەرىنىڭ قامقورشىلىق كەڭەس وكىلدەرىمەن كەزدەسۋ كەزىندە وبلىس اكىمى بولات باقاۋوۆ 2020 جىلدان باستاپ ءوڭىردىڭ باستاۋىش سىنىپتارىندا وقيتىن وقۋشىلار تەگىن تاماقپەن قامتىلاتىنىن ءمالىم ەتتى.
بۇل ماقساتقا وبلىس بيۋدجەتىنەن ءبىر ميلليارد تەڭگەدەن استام قاراجات ءبولىندى.
سونىمەن قاتار قارجىلاندىرۋ جاپپاي وقىتۋ قورى, اۋداندىق بيۋدجەتتەر جانە دەمەۋشىلەر قاراجاتى ەسەبىنەن جۇرگىزىلەدى.
وبلىستىق ءبىلىم باسقارماسىنىڭ مالىمەتىنشە, بۇل جاڭاشىلدىق الدىمەن وقۋشىلاردىڭ دۇرىس تاماقتانۋىنا سەپتىگىن تيگىزەدى.
اس ءمازىرى بويىنشا وقۋشىلارعا ءبىرىنشى, ەكىنشى تاعامدار, نان جانە سۋسىن, 5 گرامم بال بەرىلەدى. اۋداندىق جەرلەردە اپتاسىنا ءبىر رەت سالاتتار مەن جەمىستەر بەرىلەدى.
- ءار بالاعا بيۋدجەتتەن 300 تەڭگە بولىنەدى. ءبىزدىڭ مەكتەپتە باستاۋىش سىنىپتاردا 842 وقۋشى ءبىلىم الادى, - دەيدى وبلىس ورتالىعىنداعى №25 مەكتەپتىڭ اسحانا مەڭگەرۋشىسى باقىت ءابدىراحمانوۆا. – ءبىز بۇل نارىقتا بۇرىننان جۇمىس ىستەپ كەلە جاتىرمىز. تاۋار جەتكىزۋشىلەر ساپالى ونىمدەر اكەلەدى. ءار ايدىڭ سوڭىندا بىزگە اتقارىلعان جۇمىستىڭ كولەمىنە قاراي ءتيىستى قارجى اۋدارىلادى. ىستىق تاماقتىڭ قۇنى 450-500 تەڭگەنى قۇرايدى.
2019 جىلى وڭىردە مەملەكەتتىك-جەكەشەلىك ارىپتەستىك شەڭبەرىندە وبلىس ورتالىعىندا قالانىڭ 11 مەكتەبى قاتىسقان ەكى جوبا جۇزەگە اسىرىلدى.
وسى جوبالار بويىنشا مەكتەپ اسحانالارىن جاڭعىرتۋعا جەكە ينۆەستيتسيالار تارتىلادى.
ينۆەستورلار اسحانالارعا جاڭا قۇرال-جابدىقتار ساتىپ الىپ, ولاردىڭ ءىشىن جوندەدى. وبلىستىق ءبىلىم بەرۋ باسقارماسىنىڭ ماماندارى بۇل جوبا ءوڭىردىڭ وزگە مەكتەپتەرىندە جالعاساتىنىن اتاپ ءوتتى.
پاۆلودار
سۋرەتتەردى تۇسىرگەن الەكسەي كياتكين
