«10 قاڭتار كۇنى ساعات 15:00-دە قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ الاڭىندا الماتى وبلىسىنداعى BekAir اۋەكومپانياسى ۇشاعىنىڭ اپاتى سەبەپتەرىن انىقتاۋ بويىنشا ۇكىمەتتىك كوميسسيا جۇمىسىنىڭ الدىن الا بولجامى بويىنشا مالىمدەمە جاسالادى» دەلىنگەن حابارلامادا.
پرەمەر-ءمينيستردىڭ ورىنباسارى رومان سكليار; يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ ; مەملەكەتارالىق اۆياتسيالىق كوميتەتتىڭ باس ديرەكتورى ۆيكتور سوروچەنكو بايانداما جاسايتىن بولادى.
ەسكە سالا كەتسەك, 2019 جىلدىڭ 27 جەلتوقسانىندا الماتىدان نۇر-سۇلتانعا ۇشىپ شىققان BekAir كومپانياسىنىڭ ۇشاعى راداردان جوعالىپ كەتتى. كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى بەلگىلى بولدى. پرەمەر-مينيستر اسقار ءماميننىڭ توراعالىعىمەن ۇشاق اپاتىنىڭ سەبەپتەرىن تەرگەۋ بويىنشا ۇكىمەتتىك كوميسسيانىڭ وتىرىسى ءوتتى. وقيعانىڭ ءمان-جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا جىبەرىلگەن بولاتىن.
