وبلىس ورتالىعىنداعى «پاۆلودار اۋەجايى» اق مالىمەتىنشە, الداعى جىلدارى ەلىمىزدىڭ وزگە وڭىرلەرىنە جىلدام, قولايلى ءارى قاۋىپسىز جەتۋ مۇمكىندىگى جاسالۋدا.
بۇل ماقسات ءۇشىن وبلىس اكىمدىگى اۋەجايدان ۇشىپ شىعاتىن جاڭا باعىتتاردى قاراستىرۋدا.
وتكەن جىلى اۋەجاي حالىقارالىق مارتەبەگە يە بولدى. ەندى ۇشاق جولاۋشىلارىنا قىزمەت كورسەتۋ ساپاسىن ارتتىرۋ ءۇشىن تۇركيالىق ينۆەستورلاردىڭ تارتىلۋى مۇمكىن.
پاۆلودار اۋەجايى 1973 جىلى اشىلعان. اۋماعى 235 گەكتار.
قازىر اۋەجايدىڭ قۋاتتىلىعىن ارتتىرۋ ءۇشىن كۇردەلى جوندەۋ جۇمىستارى باستالماق.
قازىرگى تاڭدا ساعاتىنا 200-دەن استام جولاۋشى قابىلدايدى, جىلىنا 1 مىڭعا جۋىق ۇشاق ۇشادى.
ال وتكەن جىل قورىتىندىسى بويىنشا اۋەجاي ارقىلى 200 مىڭنان استام جولاۋشى تاسىمالدانىپ, 300 مىڭ توننادان استام جۇك پەن پوشتا جەتكىزىلگەن.
جالپى, اۋەجايدان ۇشاقتار نۇر-سۇلتان, الماتى, ماسكەۋ, ءنوۆوسىبىر, بەلارۋستىڭ مينسك قالالارى مەن تۇركياعا ۇشۋدا.
الداعى ۋاقىتتا ەلىمىزدەگى اۋە كومپانيالارىنىڭ كەلىسىمىمەن جولاۋشىلار سۇرانىسىنا يە جاڭا باعىتتار اشىلماق.
پاۆلودار
