مەملەكەت باسشىسىنىڭ اباي تۋرالى ماقالاسى بۇگىنگى قازاق ەلىنىڭ دامۋىنا قان جۇگىرتەر وي يىرىمدەرىمەن وزەكتى. اباي – ء سوزىنىڭ ومىرشەڭدىگىمەن قۇدىرەتتى...
اباي ءوز زامانىندا قازاقتى ەل قىلۋدىڭ قارمانا قامىن جاساسا, ونىڭ ءاربىر ءسوزى تاسقا قاشالعانداي بولاشاقتىڭ الدىنان كۇن وتكەن سايىن ارلەنىپ شىعا بەرەتىنىنە كارى ۋاقىت كۋا. «ۇلتتىق بولمىستىڭ ۇلگىسى», «مەملەكەت ءىسىنىڭ مۇددەلەسى», «جاڭا قوعامنىڭ جاناشىرى», «الەمدىك مادەنيەتتىڭ تۇلعاسى»... بۇل تاقىرىپشالارداعى ورىلگەن ويلار الماعايىپ زاماندا رۋحاني جاڭعىرۋلار مەن ۇلتتىق سانانىڭ سونى ءبىر سەرپىلىسىن قاجەتسىنگەن وسىناۋ ءبىر قازاق قوعامىنا اقىن ءسوزىن جەتكىزۋدى ماقسات ەتكەن. اباي زامانىنىڭ قازاعى بۇگىن قانداي؟ سول قارا ءسوزدىڭ پايعامبارى ايتقان سىننان ناتيجە شىعاردى ما, الدە قالىڭ ەلى, قازاعى, قايران جۇرتىنىڭ بولاشاعى بۇلدىر تارتىپ بارا ما؟
ابايدى تانۋ – ادامنىڭ ءوزىن-ءوزى تانۋى.... ءبىز ەلدى, ۇلتتى ابايشا ءسۇيۋدى ۇيرەنۋىمىز كەرەك.... الەۋمەتتىك جاۋاپكەرشىلىكتى ابايدىڭ «تولىق ادام» فورمۋلاسىنان ىزدەگەن ءجون..... نەگە قازاقتىڭ ءبىتىم-بولمىسىن, مادەنيەتىن اباي ارقىلى تانىتپايمىز؟... ابايدى ۇلتىمىزدىڭ مادەني كاپيتالى رەتىندە ناسيحاتتاۋىمىز كەرەك.... دەگەن ماقالاداعى سوقتالى ويلارعا اسا ءمان بەرىپ, ءار قازاقتىڭ بويىنا ابايدىڭ ءسوزىن ۇيالاتا الساق, قازاقتىڭ ۇشپاققا شىعارى حاق.
