بۇل كورسەتكىش 2018 جىلعى 11 ايمەن سالىستىرعاندا 672 ميلليارد تەڭگەگە نەمەسە 15,8 پايىزعا جوعارى. ونىڭ ىشىندە, وسىمدىك شارۋاشىلىعىندا 2 تريلليون 867,6 ميلليارد تەڭگەگە ء(وسىم 19,1 پايىز), اۋىل شارۋاشىلىعىندا – 2, 03 تريلليون تەڭگەگە ء(وسىم 10,4 پايىز) ءونىم وندىرىلگەن.
ەلىمىزدەگى وسىمدىك ونىمدەرىنىڭ وندىرىسىندە ءداستۇرلى تۇردە سولتۇستىك قازاقستان (475 ميلليارد تەڭگە), الماتى (472 ميلليارد تەڭگە), اقمولا (348 ميلليارد تەڭگە) جانە تۇركىستان (346 ميلليارد تەڭگە) وبلىستارى كوش باستاپ تۇر. بۇل وڭىرلەر رەسپۋبليكا بويىنشا جالپى كولەمدەگى ءوندىرىستىڭ نەگىزگى ءوسۋىن قامتاماسىز ەتتى. وندىرىلگەن ونىمدەردىڭ باسىم كوپشىلىگىن ءداندى داقىلدار قۇرايدى. مال شارۋاشىلىعىندا بىلتىرعىداي الماتى وبلىسى (323 ميلليارد تەڭگە), شىعىس قازاقستان (281 ميلليارد تەڭگە) جانە تۇركىستان (243 ميلليارد تەڭگە) وبلىسى الدىڭعى قاتاردا تۇر.
مال مەن قۇس وندىرىسىندە اتالعان وبلىستار دا تۇراقتى ءوسىم كورسەتىپ وتىر. وسىعان دەيىن ەلىمىزدە اۋىل شارۋاشىلىعى سالاسىندا ميلليوننان استام قازاقستاندىق جۇمىسپەن قامتىلعانى ايتىلدى.
