ۋكراينانىڭ سىرتقى ىستەر ءمينيسترى ۆاديم پريستايكو قۇربانداردىڭ اراسىندا 82 يراندىق, 63 كانادالىق جانە 11 ۋكرايندىق بولعانىن مالىمدەدى.
پريستايكو سونداي-اق ۇشاقتا شۆەتسيانىڭ 11 ازاماتى, اۋعانستاننىڭ ءتورت ازاماتى, ۇلىبريتانيانىڭ ءۇش ازاماتى جانە گەرمانيانىڭ ءۇش ازاماتى بولعانىن حابارلادى.
ۋكراين جانە يران بيلىگى ۇشاق اپاتىنىڭ تەررورلىق ارەكەتكە ەش قاتىسى جوق ەكەنىن جانە اپات سەبەبى تەحنيكالىق اقاۋلاردان تۋىنداعانىن بىردەن مالىمدەگەن ەدى.
ۋكراينا پرەزيدەنتى ۆولوديمير زەلەنسكي يرانداعى ۇشاق اپاتىنا بايلانىستى قازا تاپقان جولاۋشىلار مەن ەكيپاج مۇشەلەرىنىڭ جاقىندارىنا كوڭىل ايتتى. پرەزيدەنت سونداي-اق ۋكرايندىق اۋە كومپانيالارىنىڭ بارلىق ازاماتتىق فلوتىنا تەكسەرۋ جۇرگىزۋدى تاپسىردى جانە جاعدايدى ءوز باقىلاۋىندا ۇستاۋ ءۇشىن ومانعا ساپارىن ۇزۋىنە تۋرا كەلدى.
سونداي-اق يران تارابى اۋە كەمەسىندەگى قارا جاشىكتىڭ قالپىنا كەلتىرىلگەنىن جانە ونىڭ اقش-قا كومپانيا وكىلدەرىنە بەرىلمەيتىنىن ءمالىم ەتتى.
