اۋىل تۇرعىندارىنىڭ اتىنان بۇقارالىق اقپارات قۇرالدارى وكىلدەرىنە حابارلاسقان زاڭگەر نۇرلان بايعازيەۆتىڭ ايتۋىنشا, الماتى وبلىسىنىڭ جەر قاتىناستارى باسقارماسى ەلدى مەكەن اۋماعىنداعى 203 جەر ءتىلىمىنىڭ يەسىن سوتقا بەرىپ, قۇجاتتارعا بەرىلگەن جەكەمەنشىك قۇقىعىن زاڭسىز دەپ تانۋدى تالاپ ەتىپ وتىر ەكەن.
تۇرعىندار رەسمي مەكەمەنىڭ بۇل تالابىن تۇسىنبەي, نارازىلىق بىلدىرۋدە. ويتكەنى, تۇرعىنداردىڭ قولىندا جەرگە زاڭدى يەلىك ەتۋگە بەرىلگەن مەملەكەتتىك اكتى بار, ەلدى مەكەن اۋماعىندا تۇرعىن ءۇي سالۋعا رۇحسات بەرىلگەنى جايىندا دا قۇجاتتارى تۇگەل. جانە باسپاناعا مۇقتاج ادامدار جەر تەلىمدەرىن بورالداي اۋىلدىق وكرۋگى اكىمىنىڭ شەشىمىمەن جەكەمەنشىككە اينالدىرعان تۇلعالاردان ساتىپ العان. اۋەلگىدە اۋماقتاعى تەلىمدەر ءۇشىن 1 ملن تەڭگەدەن 2 ملن 500 مىڭ تەڭگەگە دەيىن باعا بەلگىلەنگەن ەكەن.
ال وبلىستىق باسقارمانىڭ دا ءوز ءۋاجى بار ەكەن. ماماندار اۋماقتىڭ باس جوسپارىنىڭ وگەرۋىنە بايلانىستى, ەلدى مەكەن ورنالاسقان جەر مەملەكەت قاجەتى ءۇشىن قايتارىلۋى كەرەك دەپ وتىر. تۇرعىندار مەن اتقارۋشى بيلىك اراسىنداعى تەكەتىرەسكە اينالعان داۋلى ىسكە قاتىستى ءادىل شەشىمدى ەندى سوت ايتۋى ءتيىس.
