قازىرگى تاڭدا بالقاش قالاسىندا مۇمكىندىگى شەكتەۋلى 3860 ادام تۇرادى. ولاردىڭ 100-دەن استامى ارنايى اۆتوكولىك ارقىلى تاسىمالداۋ قىزمەتىنە ءزارۋ.
–تاسىمالداۋ بويىنشا قىزمەتتەر مەملەكەتتىك الەۋمەتتىك تاپسىرىس قاراجاتى ەسەبىنەن جۇزەگە اسىرىلادى. 2019 جىلى بۇل ماقساتقا 3 ملن 600 مىڭ تەڭگە ءبولىندى. 2020 جىلى قارجىلاندىرۋ كولەمى 35%-كە ارتتى, دەيدى بالقاش قالاسىنىڭ اكىمى وراز تاۋىربەكوۆ.
ەسكە سالساق, «حالىق» قايىرىمدىلىق قورى «حالىق بانكىمەن» بىرگە 2018 جىلدان باستاپ ەلىمىزدە «ينۆاتاكسي» جوباسىن جۇزەگە اسىرۋمەن جۇيەلى تۇردە اينالىسىپ كەلەدى. العاشقى جىلى قازاقستاننىڭ ءىرى قالالارى ءۇشىن 21 مامانداندىرىلعان اۆتوكولىك ساتىپ الىنسا, وتكەن جىلى شاعىن جانە مونوقالالارداعى مۇگەدەك جاندارعا 15 ينۆاتاكسي سىيعا تارتىلدى.
