جاڭاجىلدىق مەيرام كۇندەرى بارشا حالىق كۇندەلىكتى كۇيبەڭنەن اجىراپ, مەرەكەنى تويلاۋعا كىرىسسە, قوعامدىق ءتارتىپتى ساقتاۋشى پوليتسيا قىزمەتكەرلەرى كەرىسىنشە كۇشەيتىلگەن قىزمەت رەجيمىنە كوشەدى. بيىل دا بقو پوليتسيا دەپارتامەنتىنە قاراستى بارلىق باسقارمالاردىڭ جەكە قۇرامى, ۇلتتىق ۇلان ساربازدارى – بارلىعى 600-دەن اسا قىزمەتكەر جاڭاجىلدىق مەيرامدا قوعامدىق ءتارتىپتىڭ بۇزىلماۋى ءۇشىن كىرپىك ىلمەدى.
پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وسى 5 كۇن ىشىندە وبلىس اۋماعىندا 90 قىلمىس تىركەلىپ, ونىڭ 49-ى ءىزى سۋىماي اشىلعان. سونداي-اق بۇل كۇندەرى 1356 اكىمشىلىك قۇقىقبۇزۋشىلىق وقيعالارى انىقتالىپتى. ونىڭ 30-ى – ۇساق بۇزاقىلىق بولسا, كولىكتى ماس كۇيىندە جۇرگىزگەن 16 وقيعا تىركەلگەن. قوعامدىق ورىندا ىشىمدىك ءىشىپ, ەل-جۇرتتىڭ مازاسىن العان 34 فاكت انىقتالسا, 19 وتباسىندا ءۇي-ىشىلىك جانجال بولىپتى. بۇدان بولەك, بەينەباقىلاۋ قوندىرعىلارى اكىمشىلىك قۇقىق بۇزىلعان 170 وقيعانى ءتۇسىرىپ العان ەكەن.
وسى كۇندەرى وبلىس اۋماعىندا جۇرگىزىلگەن «پيروتەحنيكا» جەدەل الدىن الۋ شاراسى بويىنشا 16 ازامات زاڭسىز ساۋداسى ءۇشىن اكىمشىلىك جازاعا تارتىلسا, ءبىر ادام ەلدىمەكەن ىشىندە وق اتقانى ءۇشىن جاۋاپقا تارتىلدى.
وكىنىشكە قاراي, وڭىردە جول-كولىك وقيعالارى دا ازايماي تۇر. جىل باسىنان بەرى 4 جول اپاتى بولىپ, ءبىر ادام قازا تاپسا, 6 جولاۋشى ءارتۇرلى دەنە جاراقاتىن العان.
باتىس قازاقستان
