«ەلوردانىڭ جەو - قالا تىرشىلىگىندەگى ستراتەگيالىق ماڭىزدى كاسىپورىن. سىزدەردىڭ جۇمىستارىڭىزدىڭ ارقاسىندا قالاداعى بارلىق ۇيلەر مەن وبەكتىلەر جىلۋمەن قامتاماسىز ەتىلىپ وتىر. سوڭعى ون جىلدىڭ ىشىندە قالاداعى تۇرعىن سانى ەكى ەسە ۇلعايدى, كوپتەگەن ۇيلەر, الەۋمەتتىك وبەكتىلەر سالىندى. قالا وسكەن سايىن ونىڭ ەلەكتر جانە جىلۋ جۇكتەمەسى دە سوعان سايكەس ارتىپ وتىر. وتكەن جىلداردا ستانتسيا قۋاتى ەلەكتر بويىنشا 2,5 ەسە جانە جىلۋ ەنەرگياسى بويىنشا 2 ەسە ۇلعايىپ, بۇگىندە 480 مۆت جانە 2 530 گكال بولىپ وتىر. كەلەسى جىلى 2 – جەو-عا قوسىمشا 180 گكال جىلۋ قۋاتىن (№ 8 كوتلواگرەگات) جانە 120 مۆت ەلەكتر قۋاتىن (№ 6 تۋربواگرەگات) ەنگىزۋدى جوسپارلاپ وتىرمىز. ءبىز سىزدەردىڭ ەڭبەكتەرىڭىزدى باعالايمىز. كەلە جاتقان جاڭا جىلمەن قۇتتىقتاي وتىرىپ, سىزدەرگە جانە سىزدەردىڭ وتباسىلارىڭىزعا دەنساۋلىق, باق-بەرەكە تىلەيمىن!» دەدى قالا اكىمى التاي كولگىنوۆ.
«استانا-ەنەرگيا» قىزمەتكەرلەرىنىڭ جۇمىسقا دەگەن جاۋاپكەرشىلىگى ءۇشىن سىياقى بەرىلدى. «استانا-ەنەرگيا» ۇجىمىندا 1500 ادام ەكى اۋىسىم بويىنشا جۇمىس ىستەيدى. بۇگىندە 1- جەو مەن 2-جەو قالانىڭ ەكى جارىم مىڭ كوپپاتەرلى تۇرعىن ۇيلەرىن جانە 300 الەۋمەتتىك-مادەني وبەكتىلەرىن جىلۋەنەرگيا رەسۋرستارىمەن قامتاماسىز ەتىپ وتىر.
