وتكەن سەنبىدە اتىراۋ وبلىسىنداعى №157/1 تەرگەۋ اباقتىسىندا وتىرعانداردىڭ تۋىسقاندارى مەن قورعاۋشىلارى شۋ شىعاردى. تۇرمەىشىلىك كەزەكتى تەكسەرۋ شاراسىنا كەلىسپەگەن تۇتقىندار وزدەرىنە قول جۇمساۋعا دەيىن باردى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ جەتەكشىسى گۇلنازيرا مۇحتاروۆا حابارلادى.
كەيىننەن بەلگىلى بولعانىنداي, تەرگەۋ اباقتىسىندا وتىرعاندار اراسىنان 1 ايىپتالۋشى ءوز ءىشىن ءوزى جارعان, ال 7 تۇتقىن قولدارىن كەسىپتى. جاراقات العانداردىڭ بارلىعىنا شۇعىل مەديتسينالىق جاردەم كورسەتىلگەن. اتىراۋ وبلىستىق ىشكى ىستەر دەپارتامەنتىنىڭ ءباسپاسوز حاتشىسى گ.مۇحتاروۆانىڭ ءمالىم ەتۋىنشە, وتكەن جۇمادا تەرگەۋ اباقتىسىندا كەزەكتى تەكسەرۋ ج.رگىزىلگەن. تەكسەرۋ بارىسىندا تۇرمە ەرەجەسىنە سايكەس كەلمەيتىن كوپتەگەن زاتتار تابىلىپ, تاركىلەنگەن.
-كەزەكتى تەكسەرۋ كەزىندە تۇتقىنداردان ۇشتالعان, كەسەتىن ءتۇرلى زاتتار, ۇيالى تەلەفوندارى, ءتىپتى 2,5 ليتر قولدان اشىتىلعان ءسپيرتتى ىشىمدىك, ياعني «براگا» تابىلدى. ەرەجەگە سايكەس كەلمەيتىن زاتتاردىڭ ءبارى تاركىلەندى. ال تۇتقىندارعا ءزابىر كورسەتتى, ۇرىپ-سوقتى دەگەن دەرەك جالعان,-دەدى گۇلنازيرا مۇحتاروۆا.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
