بيىل وبلىس بويىنشا ااك كورسەتۋ ماقساتىندا جالپى 70,8 ملرد تەڭگە بولىنگەن, ونىڭ ىشىندە رەسپۋبليكالىق بيۋدجەتتىڭ ۇلەسى – 65,7 ملرد تەڭگە. اتاۋلى الەۋمەتتىك كومەك 100 مىڭنان استام وتباسىنداعى 632,8 مىڭ ادامعا تاعايىندالعان. بۇل وتكەن جىلمەن سالىستىرعاندا ءۇش ەسە كوپ.
وبلىس اكىمى ومىرزاق شوكەەۆتىڭ توراعالىعىمەن وتكەن اپپارات ماجىلىسىندە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆا وسىنداي دەرەكتەردى كەلتىردى. اتاۋلى الەۋمەتتىك كومەك كورسەتۋدەگى سوڭعى مالىمەتتەر مەن ورىن العان كەمشىلىكتەر تالقىلانعان جيىندا قايتا ەسەپتەۋلەردىڭ ۋاقتىلى جۇرگىزىلمەۋى, قۇجاتتاردىڭ دەر كەزىندە وڭدەلمەۋى, بيۋدجەت قارجىلارىنىڭ دۇرىس جوسپارلانباۋى جانە الدىن الا ءبىر جىلدىق ااك تولەنۋى ولقىلىقتارعا سەبەپ بولعانى ايتىلدى. وسىعان بايلانىستى اۋدان, قالا اكىمدەرى جىلدىڭ سوڭىنا دەيىن قارجىنىڭ ماقساتتى جانە زاڭ شەڭبەرىندە تولەنۋىن جەتە باقىلاۋعا الۋى قاجەت.
تۇركىستان وبلىسى
