ماڭعىستاۋلىق ونەرپازدار ەۆروپانى ارالاپ, قازاقتىڭ ۇلتتىق ونەرىن ناسيحاتتادى. «اقجارما» فولكلورلى ءانسامبلى مەن «جورعا» حالىقتىق بي انسامبلدەرى ۆەنگريا, حورۆاتيا, بوسنيا جانە سەربيا مەملەكەتتەرىندە 6 بىردەي كونتسەرت قويدى.
العاشقى ءان كەشى بۋداپەشتتە ءوتتى. ماڭعىستاۋلىق ونەر ۇجىمدارى كونتسەرتتى «سىڭسۋ» بيىمەن اشىپ, قىز ۇزاتىلاردا ايتىلاتىن قازاقتىڭ ءداستۇرىن كورسەتتى. سونىمەن قاتار, «شولپى», «حورەزم» بيلەرى ساحنالاندى.
ەۋروپا تورىندە قۇرمانعازىنىڭ «بالبىراۋىنى» مەن «ادايى» كۇمبىرلەدى. ءتورت مەملەكەتتىڭ ونەر سۇيەر قاۋىمى مۇرات وسكىمباەۆ اتىنداعى وبلىستىق فيلارمونيا ۇجىمىنىڭ ونەرىنە جوعارى باعاسىن بەردى, دەدى «اقجارما» فولكلورلىق ءانسامبلىنىڭ جەتەكشىسى باۋىرجان كوبەنعاليەۆ.
بارلىق كونتسەرتتەر انشلاگپەن وتكەن.
-بۇل جوبا حالىقارالىق دەڭگەيدەگى جوبا. ويتكەنى مۇنى ۇيىمداستىرۋشى تۇركى مادەنيەتىن دارىپتەيتىن, تۇركى تىلدەس مەملەكەتتەرىنىڭ ءبارىنىڭ جيىنتىعى, جيناستىراتىن «تۇرىكسوي» حالىقارالىق ۇيىمىنىڭ جوباسى بولاتىن. بيىلعى جىلى بۇل جوباعا قازاقستان, ءازىربايجان, تۇركيا جانە قىرعىزستاننىڭ ارتىستەرى قاتىستى. ءبىز ماڭعىستاۋ وبلىسى قازاقستاننىڭ اتىنان قاتىستىق, دەدى «جورعا» بي ءانسامبلىنىڭ جەتەكشىسى, مادەنيەت قايراتكەرى سەرىك ساريەۆ.
