ادام ءومىردىڭ قاي كەزەڭىندە بولماسىن اتا-باباسىنان قالعان اسىل مۇرالارى بولىپ ەسەپتەلىنەتىن تاريحى مەن ۇلتتىق ونەردى تانىپ بىلۋگە ۇمتىلعان. قازاقستان رەسپۋبليكاسىنىڭ تاۋەلسىزدىك الۋى ۇلتتىق سانانىڭ كۇرت ويانۋىنا ايرىقشا ىقپال ەتكەنى ايان. ەگەمەن ەلدىڭ تۋىن كوككە كوتەرەتىن, ارينە, وركەنيەتتى ۇرپاق, سوندىقتان دا, سول بولاشاق يەلەرىن جان-جاقتى جەتىلگەن, اقىل پاراساتى مول ەتىپ تاربيەلەۋىمىز قاجەت. قاي حالىق بولماسىن ءۇمىتىن ەڭ الدىمەن ۇرپاعىنان كۇتەدى. بۇگىنگى تاڭدا ءاربىر مەملەكەتتىڭ الدىنا قويعان ماقساتى تاريح ساحناسىنان ورىن الا وتىرىپ, وركەنيەتتى ەلدەردىڭ قاتارىنا قوسىلۋ بولسا, سول ەكونوميكاسى جاقسى دامىعان ەلدەردىڭ باستى جەتىستىكتەرى ولاردىڭ قازبا بايلىقتارىنىڭ كوپتىگى نەمەسە جەر كولەمىنىڭ ۇلكەندىگىندە ەمەس, سونداعى بايلىقتى ءوز ورنىمەن يگەرە بىلۋىندە. بۇل قاجەتتىلىكتى قاناعاتتاندىرۋ ءۇشىن ەل ەرتەڭى – بۇگىنگى جاس ۇرپاققا ساپالى ءبىلىم مەن سانالى تاربيە بەرۋگە بۇكىلحالىقتىق دارەجەدە ءمان بەرۋ – قازىرگى كەزدەگى ماڭىزدى ماسەلە.
ەلباسى ن.نازارباەۆ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا: «ءبىز ۇلتتىڭ تاريحي ساناسىن قالىپتاستىرۋ جۇمىسىن جالعاستىرۋىمىز كەرەك», – دەپ اتاپ كورسەتكەن بولاتىن. وسىعان وراي س.جيەنباەۆ اتىنداعى اقتوبە وبلىستىق جاسوسپىرىمدەر كىتاپحاناسى دا بۇل ماسەلەنى كەڭىنەن قامتىپ, جاستاردى ۇلت تاريحىن, ءداستۇرىن, مادەنيەتىن بىلۋگە باۋلۋدا. جاقىندا وسى ماقساتتا كىتاپحانانىڭ وقۋ زالىندا وقىرماندارعا ارناپ «ۇلتتىق تاريح – قازىنامىز» اتتى كورمە ۇيىمداستىرىلدى. تاعدىرى تالايلى ەلىمىزدىڭ تاۋەلسىزدىككە دەيىنگى تاريحى مەن بۇگىنگى جەتىستىگىن دارىپتەي وتىرىپ, جاستاردى ەلجاندىلىققا تاربيەلەۋ, وتانشىلدىق سەزىمىن وياتۋ ماقساتىندا وقۋ جىلى باستالىسىمەن كىتاپحاناشىلار №36, 40, 47 مەكتەپتەردە دارىستەر وقۋدى جوسپارلاپ وتىر.
اقىن ولجاس سۇلەيمەنوۆ: «ءبىز ءوز حالقىمىزدىڭ مادەنيەتى مەن تاريحىنا قىزمەت ەتۋىمىز كەرەك» دەمەكشى, قازاقستان مەملەكەتىن مادەنيەتى جوعارى, رۋحى بيىك, پاتريوتتىق سەزىمى بەرىك ازاماتتاردىڭ وتانىنا اينالدىرۋ ءۇشىن ءبارىمىز ءبىر كىسىدەي تەر توگۋىمىز كەرەك.
ايگۇل قرىمقۇلوۆا,
كىتاپحانا قىزمەتكەرى.
اقتوبە.
