ايماقتار • 26 جەلتوقسان، 2019

تۇركىستاندا كوپبالالى ىسكەر ايەلدەر فورۋمى ءوتتى

62 رەت كورسەتىلدى

تابيعي ءوسىمى جوعارى تۇركىستان وبلىسىندا 90 مىڭداي كوپبالالى وتباسى بار. ولاردىڭ اراسىندا كاسىپكەرلىكپەن اينالىسىپ، تابىس تاۋىپ جۇرگەندەرى از ەمەس. بۇل ورايدا «ەڭبەك» مەملەكەتتىك باعدارداماسى اياسىندا 3884 ايەل كاسىبي وقۋعا جولدانعان. ولاردىڭ 710-ى كوپبالالى انالار. ال 213 كوپبالالى انا تۇراقتى جۇمىسقا ورنالاسسا، 32 705 ايەل جۇمىسپەن قامتۋ شارالارىنا تارتىلعان. كوپبالالى 105 انا ءوز بيزنەسىن اشىپتى.

بۇل دەرەكتەر تۇركىستان قالاسىندا «باقىتتى وتباسى» پارتيالىق جوباسى اياسىندا وتكەن «باتىر انا» كوپبالالى ىسكەر ايەلدەر فورۋمىندا ءمالىم ەتىلدى. كوپبالالى انالاردىڭ مارتەبەسىن كوتەرۋ، ولاردىڭ كاسىپكەرلىكپەن اينالىسۋىنا قولداۋ كورسەتۋ ماقساتىنداعى فورۋمعا وبلىستىڭ اۋدان، قالالارىندا كاسىپكەرلىك جانە وزگە دە سالالاردا جەمىستى ەڭبەك ەتىپ جۇرگەن انالار قاتىسىپ، تاجىريبەلەرىمەن ءبولىستى. «فورۋمعا كوپبالالى انالارىمىزدى ارنايى شاقىرىپ وتىرمىز. كوپبالالى جانە ىسكەر ايەلدەردىڭ كاسىپكەرلىكپەن شۇعىلدانۋى ءۇشىن قانداي قولداۋلار بار؟ وسى ماسەلەلەر توڭىرەگىندە وي قوزعاپ، وبلىس كولەمىندە كاسىپكەر-انالارىمىزدىڭ اتقارىپ جاتقان جۇمىستارىن سارالاپ، كوپشىلىك قاۋىمعا ناسيحاتتاۋدى ماقسات ەتىپ وتىرمىز»، – دەيدى «Nur Otan» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەنباي تاجىباەۆ.

كاسىپكەرلەرگە كورسەتىلەتىن جەڭىلدىكتەر جونىندە كەڭىنەن بايانداعان «اتامەكەن» ۇكپ تۇركىستان وبلىستىق فيليالىنىڭ ديرەكتورى دىنمۇحاممەد ابساتتاروۆتىڭ ايتۋىنشا، 2019 جىلدىڭ ىشىندە «باستاۋ بيزنەس» جانە «جاس كاسىپكەر» جوبالارى اياسىندا وبلىس بويىنشا 3345 ايەل ءبىلىم العان. «ەڭبەك» باعدارلاماسى اياسىندا 3 مىڭنان استام ايەل جاڭا بيزنەس-يدەيالاردى ىسكە اسىرۋعا ارنالعان 1،5 ملرد تەڭگە كولەمىندەگى گرانتتاردى يەلەنگەن. «بيىل «بيزنەستىڭ جول كارتاسى-2020» مەملەكەتتىك باعدارلاماسى اياسىندا «بيزنەس كەڭەسشى» كومپونەنتى بويىنشا 731 ايەل ءبىلىم الدى. 200-گە جۋىق ايەل 680 ملن تەڭگە. كولەمىندە قارجىلاندىرىلدى. كاسىبىن اشامىن دەيتىن ارداقتى انالارعا كومەكتەسۋگە ارقاشان دايىنبىز»، – دەدى د. ابساتتاروۆ. ال «ىرىس» ميكروقارجى ۇيىمىنىڭ ديرەكتورى دانيار ارىنعازين «كوپبالالى انا» باعدارلاماسى بويىنشا 13 كوپبالالى اناعا 2 ملن تەڭگەگە دەيىن جەڭىلدەتىلگەن نەسيە بەرىلگەنىن مالىمدەدى. سونداي-اق جيىندا 9 بالانىڭ اناسى تۇركىستاندىق جانات ەرينبەتوۆا دەموگرافياعا ۇلەس قوسا وتىرا جۇمىس ىستەۋگە دە ۋاقىت تابۋعا بولاتىنىن جەتكىزدى. ون ءتورت ادامدى جۇمىسپەن قامتىپ وتىرعان سايرامدىق كوپبالالى انا شاحتىكۇل بەگزاتوۆا دا زامانداستارىن كاسىپكەرلىكپەن شۇعىلدانۋعا شاقىردى.

فورۋم اياسىندا «Nur Otan» پارتياسى تۇركىستان وبلىستىق فيليالى مەن «قازاقستاننىڭ ىسكەر ايەلدەرى اسسوتسياتسياسى» قوعامدىق بىرلەستىگى وبلىستىق فيليالى اراسىندا پارتيالىق جوبالاردى جۇزەگە اسىرۋ جانە كوپبالالى ايەلدەرگە قولداۋ كورسەتۋ جونىندە مەموراندۋمعا قول قويىلدى.

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

كوك تۇركىنىڭ كوزى

تاريح • كەشە

ۇقساس جاڭالىقتار