كەلىسسوزدەر قايتا باستالماق
ۆاشينگتوندا كوپ جىلدارعا سوزىلعان ۇزىلىستەن كەيىن پالەستينا مەن يزرايل اراسىنداعى تىكەلەي بەيبىت كەلىسسوزدەر قايتادان جالعاسپاق.
ۇنقاتىسۋدىڭ قايتا جالعاسۋىنا اقش-تىڭ مەملەكەتتىك حاتشىسى دجون كەرري ىقپال ەتتى. جەكسەنبى كۇنى ول ءوزى پالەستينا پرەزيدەنتى ماحمۋد ابباسقا جانە يزرايل پرەمەر-ءمينيسترى بينيامين نەتانياحۋعا تەلەفون شالىپ, ولاردىڭ وكىلدەرىن ۆاشينگتونعا شاقىرعان. مەملەكەتتىك دەپارتامەنتتىڭ ءباسپاسوز حاتشىسى دجەن پساكيدىڭ ايتۋىنشا, العاشقى كەزدەسۋلەر 29 شىلدەنى
كەلىسسوزدەر قايتا باستالماق
ۆاشينگتوندا كوپ جىلدارعا سوزىلعان ۇزىلىستەن كەيىن پالەستينا مەن يزرايل اراسىنداعى تىكەلەي بەيبىت كەلىسسوزدەر قايتادان جالعاسپاق.
ۇنقاتىسۋدىڭ قايتا جالعاسۋىنا اقش-تىڭ مەملەكەتتىك حاتشىسى دجون كەرري ىقپال ەتتى. جەكسەنبى كۇنى ول ءوزى پالەستينا پرەزيدەنتى ماحمۋد ابباسقا جانە يزرايل پرەمەر-ءمينيسترى بينيامين نەتانياحۋعا تەلەفون شالىپ, ولاردىڭ وكىلدەرىن ۆاشينگتونعا شاقىرعان. مەملەكەتتىك دەپارتامەنتتىڭ ءباسپاسوز حاتشىسى دجەن پساكيدىڭ ايتۋىنشا, العاشقى كەزدەسۋلەر 29 شىلدەنىڭ كەشىنە جانە 30 شىلدەگە جوسپارلانعان.
يتاليادا اۆتوبۋس اۋدارىلدى
جەكسەنبى كۇنى كەشكىلىك يتاليانىڭ اۆەللينو قالاسى ماڭىندا بولعان اۆتوبۋس اپاتىنان كەم دەگەندە 38 ادام قازا تاۋىپ, وننان استام ادام اۋىر دەنە جاراقاتتارىن العان.
ساراپشىلار بۇل جول-كولىك وقيعاسىن ەۋروپا اۆتوجولدارىنداعى سوڭعى جىلدارداعى ەڭ اۋىر وقيعا دەپ اتاپ وتىر. يتاليالىق باق-تاردىڭ حابارلاۋىنشا, قۇربان بولعانداردىڭ باسىم بولىگىن ەگدە ادامدار مەن بالالار قۇرايتىن كورىنەدى. قازا تاپقانداردىڭ دەنەلەرىن اۆتوبۋستان شىعارىپ الۋعا قۇتقارۋشىلار ەكى ساعاتتاي ۋاقىت جۇمساعان. اۋىر دەنە جاراقاتتارىن العان 11 ادام اۋرۋحانالارعا جەتكىزىلگەن.
بەنگازيدە ب ۇلىك باسىلماي تۇر
ليۆيان
ىڭ شىعىسىنداعى بەنگازي قالاسىندا ءۇش بىردەي قۋاتتى جارىلىس ورىن العان. رەيتەر اگەنتتىگىنىڭ حابارلاۋىنشا, جارىلىستاردىڭ ۇشەۋى دە اكىمشىلىك عيماراتتار, اتاپ ايتقاندا, پروكۋراتۋرا مەن سوت عيماراتتارى ورنالاسقان جەردە بولعان.
ازىرگە قازا تاپقاندار مەن زارداپ شەككەندەر تۋرالى ناقتى مالىمەتتەر جوق. سول سياقتى, جارىلىس ءۇشىن جاۋاپكەرشىلىكتى دە ەشكىم ءوز موينىنا الماي وتىر. 2011 جىلى قان توگىستى ازامات سوعىسى باستالىپ, سونىڭ بارىسىندا ەلدىڭ ليدەرى مۋاممار كاددافي تاعىنان قۇلاتىلعان بەنگازي قالاسى ءالى كۇنگە دەيىن ليۆياداعى شيەلەنىستى وشاقتاردىڭ ءبىرى بولىپ قالۋدا. بۇل قالادا اسكەري قىزمەتشىلەر مەن قاۋىپسىزدىك كۇشتەرى قىزمەتكەرلەرىنە ءجيى-ءجيى شابۋىلدار جاسالىپ تۇرادى.
ۇكىمەت اسكەرلەرى پوزيتسياسىن نىعايتۋدا
سيريانىڭ ۇكىمەتتىك اسكەرلەرى ليۆاندىق «حەزبوللا» توبى سودىرلارىنىڭ قولداۋىمەن حومستاعى وزدەرىنىڭ پوزيتسيالارىن نىعايتا ءتۇستى.
سيريا وپپوزيتسياسى وكىلدەرىنىڭ ايتۋلارىنا قاراعاندا, پرەزيدەنت باشار اسادتىڭ كۇشتەرى ءالى دە بولسا ەرەۋىلشىلەر ۇستاپ تۇرعان قالعان اۋداندارداعى وپپوزيتسيالىق بولىمشەلەردى تۇنشىقتىرۋعا ۇمتىلۋدا. حومسقا جاسالعان شابۋىل ەرەۋىلشىلەر باقىلاۋىنداعى اۋماقتارعا قارسى ۇكىمەت قولعا العان كەڭ اۋقىمدى ناۋقاننىڭ ءبىر بولىگى بولىپ تابىلادى. بۇ ل قالانىڭ قۇلاۋى ۇكىمەت ءۇشىن ۇلكەن جەڭىس رەتىندە سانالاتىنىن دا ايتا كەتۋ قاجەت.
جاڭا بيلىك قاتاڭ تارتىپكە كوشپەك
ەگيپەت پرەزيدەنتىنىڭ مىندەتتەرىن ۋاقىتشا اتقارۋشى ادلي مانسۋر ەل پرەمەر-مينيسترىنە ەلدە جالعاسىپ جاتقان قاقتىعىستار كەزىندە ازاماتتىق تۇلعالاردى تۇتقىنعا الۋ جونىندە اسكەريلەرگە بۇيرىق بەرۋ قۇقىعىن بەردى.
ال «مۇسىلمان باۋىرلار» يسلاميستىك قوزعالىسىنىڭ جاقتاۋشىلارى تاقتان قۇلاتىلعان پرەزيدەنت ءمۋرسيدى قايتارۋدى تالاپ ەتىپ, نارازىلىق اكتسيالارىن ودان ءارى جالعاستىرۋدا. ادلي مانسۋر شەشىمىنىڭ ەلدىڭ ىشكى ىستەر ءمينيسترى موحامەد يبراگيمنىڭ ەل بيلىگى قۇقىق ءتارتىبىن بۇزۋشىلارعا قاتاڭ شارا قولداناتىن بولادى دەگەن ەسكەرتۋىنەن كەيىن قابىلدانعانىن ايتا كەتۋ قاجەت.
بەرلۋسكوني تۇرمەگە وتىرۋعا دايىن
يتاليانىڭ بۇرىنعى پرەمەر-ءمينيسترى سيلۆيو بەرلۋسكوني ەگەر ونى سالىق تولەۋدەن جالتارعانى ءۇشىن كىنالى دەپ تاپسا, ءوزىنىڭ ءۇي تۇتقىنىنان باس تارتىپ, تۇرمەگە وتىرۋعا نيەتى بار ەكەنىن حابارلاعان.
بۇل تۋرالى 77 جاستاعى ساياساتكەر ميلاندىق كۇندەلىكتى شىعاتىن Libero گازەتىنە بەرگەن سۇحباتىندا مالىمدەگەن. ايتا كەتۋ كەرەك, وسى ىسكە قاتىستى جوعارعى سوتتىڭ كەلەسى وتىرىسى الداعى اپتادا وتەدى. وندا بەرلۋسكونيدى باس ەركىنەن ايىرىپ, ونىڭ بەس جىل بويىنا مەملەكەتتىك قىزمەتپەن اينالىسۋىنا تىيىم سالاتىن ۇكىم بەكىتىلەدى نەمەسە تەرىسكە شىعارىلادى.
سااكاشۆيلي پارتياسى كانديداتىن انىقتادى
سااكاشۆيلي پارتياسى پرەزيدەنتتىككە كانديداتتى انىقتادى. وسىلايشا «ءبىرتۇتاس ۇلتتىق قوزعالىس پارتياسى» الداعى قازان ايىندا وتەتىن پرەزيدەنت سايلاۋىنا ەل پارلامەنتىنىڭ ەكس-سپيكەرى داۆيد باكرادزەنىڭ كانديداتۋراسىن ۇسىندى.
ول پارتياىشىلىك داۋىس بەرۋدە ءۇش بىردەي كانديداتتىققا ۇمىتكەرلەردەن باسىم تۇسكەن. ءبىز ءۇشىن پرەزيدەنتتىككە كانديداتتى «كوسەمنىڭ» جەكە-دارا تاعايىنداۋى دۇرىس بولىپ سانالمايدى, دەپ مالىمدەگەن «ءبىرتۇتاس ۇلتتىق قوزعالىس پارتياسىنان» سايلانعان پارلامەنت مۇشەسى داۆيد دارچياشۆيلي. وسى ارقىلى ول «گرۋزين ارمانى» باسقارۋشى كواليتسياسىنان ۇسىنىلعان كانديدات گەورگي مارگۆەلاشۆيليدىڭ پرەمەر بيدزينا ءيۆانيشۆيليدىڭ قالاۋى بويىنشا پايدا بولعانىن ەسكەرتكەن كورىنەدى.
اقش-تاعى تىكۇشاق اپاتى
امەريكانىڭ پەنسيلۆانيا شتاتىندا تىكۇشاقتىڭ قۇلاۋى سالدارىنان بەس ادام قازا تاپقان. ولاردىڭ بىرەۋى بالا كورىنەدى. بۇل تۋرالى دۇيسەنبى كۇنى ازاماتتىق اۆياتسيا فەدەرالدىق باسقارماسىنا سىلتەمە جاساي وتىرىپ, New York Times باسىلىمى حابارلاعان.
تىكۇشاق جەكسەنبى كۇنى راداردان جوق بولىپ كەتىپ, ەكيپاجبەن بايلانىس ۇزىلگەن. نيۋ-يورك اۋەجايىنان ليحايتون قالاسىنا باعىت ۇستانعان اۋە كەمەسىندە بەس ادام بولعانى انىقتالىپ وتىر. پوليتسيا وكىلى ولاردىڭ بەسەۋىنىڭ دە قازا تاپقانىن راستاعان. ازىرگە ول ادامداردىڭ كىمدەر ەكەنى انىقتالعان جوق. اقش-تىڭ كولىكتەگى قاۋىپسىزدىك كەڭەسى تىكۇشاقتىڭ اپاتقا ۇشىراۋ سەبەپتەرىنە تەرگەۋ جۇرگىزبەك.
ينتەرنەت ماتەريالدارى نەگىزىندە ازىرلەندى.
