ايماقتار • 23 جەلتوقسان، 2019

تۇركىستان: «1424» ءفيلمى كورەرمەن نازارىنا ۇسىنىلدى

242 رەت كورسەتىلدى

تۇركىستاندا سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ باستاماسىمەن جارىق كورگەن «1424» قىسقامەتراجدى ءفيلمنىڭ العاشقى كورسەتىلىمى ءوتتى. جاڭا تۋىندىنىڭ تۇساۋكەسەرىنە وبلىس اكىمى ومىرزاق شوكەەۆ قاتىستى.

قوعامدا بەلەڭ العان جەمقورلىق كورىنىستەرىن ازايتۋ جانە وعان قارسى مادەنيەتتىڭ جارقىن ۇلگىسىن قالىپتاستىرۋ، ءارى حالىقتىڭ ازاماتتىق بەلسەندىلىگىن ارتتىرۋ ارقىلى سىبايلاستىقتىڭ جولىن كەسۋ ماقساتىنداعى جوبا دەپارتامەنت باسشىسى حاكيم كوشقاليەۆتىڭ يدەياسى نەگىزىندە تۇسىرىلگەن. ءۇش اپتا كولەمىندە تۇسىرىلگەن جاڭا تۋىندىدا رولدەردى دەپارتامەنت قىزمەتكەرلەرى مەن ارىس قالاسىنداعى «ت.تاجىباەۆ اتىنداعى بالالار اۋىلىنىڭ» تاربيەلەنۋشىلەرى سومداپ شىققان.

كورسەتىلىم سوڭىندا وبلىس اكىمى ومىرزاق شوكەەۆ فيلمدە بەلسەندىلىك تانىتقان بىرقاتار ازاماتتاردى العىس حاتپەن ماراپاتتادى.

«جەمقورلىقپەن كۇرەستى مەكتەپ قابىرعاسىنان باستاۋ كەرەك. وسكەلەڭ ۇرپاق جاستايىنان جەمقورلىقتىڭ جاتتىعىن جادىنا ءسىڭىرىپ وسكەندە بۇل ىندەتتىڭ تامىرىنا بالتا شابۋعا بولادى. سوندا پسيحولوگيانى وزگەرتەمىز. سونداي-اق مەملەكەتتىك قىزمەتكەرلەردىڭ دە جاعدايىن جان-جاقتى جاقسارتۋ كەرەك. ەلىمىزدە جەكە ماقساتتارىن جۇزەگە اسىرۋ ءۇشىن مەملەكەتتىك بيلىكتى پايدالاناتىندارمەن كۇرەس كۇشەيىپ كەلەدى. ەلباسىنىڭ تالابى مەن مەملەكەت باسشىسىنىڭ حالىققا جولداۋىنداعى تاپسىرماسى دا وسىعان سايادى. تۇركىستانداي كيەلى جەر جەمقورلىقتان مۇلدەم جات بولۋى ءتيىس»، – دەدى ومىرزاق ەستاي ۇلى.

اتاۋىنا سىبايلاس جەمقورلىققا قارسى ءىس-قيمىل اگەنتتىگى Call-ورتالىعىنىڭ ءنومىرى نەگىز بولعان «1424» ءفيلمى الداعى ۋاقىتتا تۇركىستان وبلىسىنىڭ بارلىق قالا-اۋدان كورەرمەندەرىنە جول تارتادى.

 

تۇركىستان وبلىسى

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار