ەكى جىل بۇرىن ينتەرنەت بەتىندە ماسكەۋدەگى ماۆزولەيدەن تۇسىرىلگەن تۇسىنىكسىز بەينەبايان پايدا بولدى. بەينەباياندا تابىتتىڭ ىشىندە جاتقان لەنيننىڭ دەنەسىن جوعارى قاراي كوتەرە بەرىپ قايتا جاتاتىنى بەينەلەنگەن. باسىندا بۇل بەينەبايان اسا ءبىر قىزىعۋشىلىق تۋدىرعان جوق. سەبەبى, قازىرگى كوممۋنيكاتسيانىڭ دامىعان زامانىندا بەينەمونتاج ارقىلى نەشە ءتۇرلى تۋىندىلاردى ويلاپ تابۋعا بولاتىنى عاجاپ ەمەس. دەسەك تە, اتالمىش بەينەبايان امەريكالىق زەرتتەۋشىلەرىنىڭ قولىنا ءتۇسىپ, مامانداردىڭ قىزىعۋشىلىعىن تۋدىرسا كەرەك.
«ءبىز بەينەباياندى جاقسىلاپ زەرتتەي كەلە, ونىڭ ناتيجەسىنە تاڭ قالدىق. ءبىزدىڭ ماماندار بۇل بەينەباياندا ەشبىر مونتاجدىڭ, اسىرەلەۋ مەن كادر قوسۋدىڭ بەلگىلەرىن تاپپادى. ونىڭ ۇستىنە, بەينەباياننىڭ ۇستىڭگى جاعىندا كورسەتىلگەن ۋاقىت ماۆزولەيدە قولدانىلاتىن كامەرالاردىڭ كورسەتكىشىمەن ءجۇز پايىزعا سايكەس كەلەدى», – دەيدى امەريكالىق ماماندار.
ايدار ورىسباەۆ.
