قحدر استاناسى پحەنيان قالاسىنىڭ كيم ير سەن اتىنداعى الاڭىندا كورەي سوعىسىنىڭ اياقتالعانىنا 60 جىل تولۋىنا وراي اسكەري شەرۋ بولىپ ءوتتى. بۇل تۋرالى يتار-تاسس حابارلادى.
سولتۇستىك كورەيا مەملەكەتىنىڭ باسشىسى كيم چەن ىن مەن رەسپۋبليكانىڭ باسقا دا جەتەكشىلەرى جينالعان الاڭنان كورەي حالىق اسكەرى مەن جۇمىسشى-شارۋالار قىزىل گۆاردياسىنىڭ بولىمشەلەرى, سونداي-اق اسكەري تەحنيكالار ءجۇرىپ ءوتتى. زىمىران سوققىلارى مەن اۋە شابۋىلدارىنا قارسى كورىنىستەر كورسەتىلدى. اسكەري شەرۋ بارىسىندا تۇڭعىش رەت سولتۇستىك كورەيادا جاساپ شىعارىلعان ۇشقىشسىز ۇشاتىن اپپاراتتار حالىق نازارىنا ۇسىنىلدى.
اسكەري شەرۋدى كورەي حالىق اسكەرىنىڭ باس قولباسشى رەتىندە مەملەكەت پرەزيدەنتى كيم چەن ىن قابىلدادى. مەرەكەلىك شەرۋگە ارنايى رەسمي دەلەگاتسيانى باستاپ قحر توراعاسىنىڭ ورىنباسارى لي يۋانچاو كەلدى. جەڭىس كۇنىنە ارنالعان سالتاناتتى شاراعا قىتايدان بولەك, سيريا, كۋبا, ۆەتنام, يران, لاوس, ءۇندىستان, يندونەزيا, مازامبيك, تانزانيا, سونداي-اق باسقا دا مەملەكەتتەردىڭ رەسمي جانە اسكەري دەلەگاتسيالارى قاتىستى.
ايدار ورىسباەۆ.
