كەزىندە «الەمدەگى №1 لاڭكەس» اتانعان, وسىدان ءبىرشاما ۋاقىت بۇرىن ارنايى وپەراتسيا بارىسىندا وققا ۇشقان اتاقتى ۋساما بەن لادەن جەكە قولدانعان اك-47 اۆتوماتى امەريكانىڭ ۆەردجينيا شتاتىندا ورنالاسقان ورتالىق بارلاۋ باسقارماسىنىڭ شتاب-پاتەرىندەگى مۇراجايعا قويىلدى. بۇل تۋرالى بريتاندىق «دەيلي تەلەگراف» گازەتىنىڭ اقپارىنا سىلتەمە جاساعان يتار-تاسس حابارلادى.
اۆتومات 2011 جىلدىڭ مامىر ايىندا پاكستاننىڭ اببوتتابات قالاسىندا وتكەن اقش ارنايى جاساعىنىڭ تەرروريستىڭ كوزىن جويۋ ءىس-شاراسى بارىسىندا قولعا ءتۇستى. تەڭىز جاياۋ اسكەرىنىڭ ساربازدارى وزدەرىمەن بىرگە بەن لادەننىڭ ءولى دەنەسىنەن بولەك, ونىڭ كوپتەگەن قۇجاتتارىن, جەكە زاتتارى مەن قارۋىن امەريكاعا الىپ كەلگەن بولاتىن. قازىر اك-47 اۆتوماتى ورتالىق بارلاۋ باسقارماسىنىڭ مۇراجايىنا قويىلدى. بۇل مۋزەيگە تەك ورتالىق بارلاۋ باسقارماسىنىڭ قىزمەتكەرلەرى مەن ارنايى شاقىرىلعان ازاماتتار عانا كىرە الادى.
ايدار ورىسباەۆ.
