رۋحانيات • 20 جەلتوقسان، 2019

«تۇركىستانعا تارتۋ» قازىعۇرت اۋدانىنان باستالدى

37 رەت كورسەتىلدى

«تۇركىستانعا تارتۋ» جوباسى اياسىنداعى ءىس-شارالاردى 2020 جىلى وبلىستاعى بارلىق اۋدان، قالالاردا ۇيىمداستىرۋ جوسپارلانىپ وتىر. ايتىس جانە جازبا اقىندارىن، ءداستۇرلى انشىلەر مەن تەرمەشىلەردى، جىرشىلار مەن كۇيشىلەردى، قالامگەرلەردى ەلمەن جۇزدەستىرۋ، رۋحاني كەشتەر وتكىزۋدى ماقسات ەتكەن جوبا، ياعني ونەر كەرۋەنى العاشقى ساپارىن قاسيەتتى قازىعۇرت اۋدانىنان باستادى.

«Nur Otan» پارتياسى تۇركىستان وبلىستىق فيليالىنىڭ ۇيىمداستىرۋىمەن، قازىعۇرت اۋدانى اكىمدىگى قولداۋىمەن باستالعان يگى ءىس بارىسىندا ەلگە تانىمال ونەرپازدار مەن ساياسي ۇيىم وكىلدەرى الدىمەن جاڭابازار اۋىلىنداعى قىمىزحانادا اۋدان اقساقالدارىمەن كەزدەستى. ەلدىك ماسەلەلەر قوزعالعان كەزدەسۋدە قازىنالى قارتتار ارنايى كەلگەن ازاماتتارعا اق باتاسىن بەردى. ونەرپازدار ەل اعالارىنا اننەن شاشۋ شاشىپ، اقىندار ارناۋلارىن ايتتى. ال اۋداندىق مادەنيەت ۇيىندە ەركىن فورماتتا وتكەن ونەر كەشىندە پارتيا فيليالى توراعاسىنىڭ ورىنباسارى قالىيما جانتورەەۆا جوبانىڭ ماقساتىمەن تانىستىردى. جوبا كەلەسى جىلى تۇتاس وبلىستى قامتىپ، شالعايداعى ەلدى مەكەندەر دە ونەرمەن سۋسىندايتىنىن، ەل اراسىنان تالانتتى جاستار دا شىعاتىنىن جەتكىزدى.

ونەر كەشىندە پوەزيا الەمىندە وزىندىك قولتاڭباسى قالىپتاسقان اقىندار اقمارال لەۋباەۆا، ايدار سەيدازىم مەن مۇقاعالي كەنجەتاي ۇلى  جالىندى جىرلارىمەن كوپشىلىكتىڭ كوڭىلىنەن شىعا ءبىلدى. ال ءبورىباي ورازىمبەتوۆ پەن كاريما ورالوۆانىڭ ايتىسىندا قوعامدىق ماسەلەلەر دە قوزعالدى. قازىعۇرت اۋدانىنىڭ تالانتتى ونەرپازدارى ءوز ونەرلەرىمەن كورەرمەندى ءتانتى ەتتى.

 

 

تۇركىستان وبلىسى

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار