2013 جىلعى 30 ءساۋىر, استانا, ۇكىمەت ءۇيى
«اگروونەركاسىپتىك كەشەندى مامانداندىرىلعان ۇيىمداردىڭ قاتىسۋىمەن قولداۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2006 جىلعى 7 شىلدەدەگى №645 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «اگروونەركاسىپتىك كەشەندى مامانداندىرىلعان ۇيىمداردىڭ قاتىسۋىمەن قولداۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2006 جىلعى 7 شىلدەدەگى № 645 قاۋلىسىنا (قازاقستان رەسپۋبليكاسىنىڭ ءپۇاج-ى, 2006 ج., № 25, 257-قۇجات) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن اگروونەركاسىپتىك كەشەندى مامانداندىرىلعان ۇيىمداردىڭ قاتىسۋىمەن قولداۋ ەرەجەسىندە:
مىناداي مازمۇنداعى 2-1-تارماقپەن تولىقتىرىلسىن:
«2-1. اگروونەركاسىپتىك كەشەندى «قازاگرويننوۆاتسيا» اق قاتىسۋىمەن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قولداۋ مىنالار ارقىلى جۇزەگە اسىرىلادى:
1) اگروونەركاسىپتىك كەشەندە عىلىمي زەرتتەۋلەر ۇيىمداستىرۋ جانە جۇرگىزۋ, عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى ورىنداۋ;
2) عىلىمي جانە (نەمەسە) عىلىمي-تەحنيكالىق قىزمەتتىڭ ناتيجەلەرىن, ونىڭ ىشىندە پەرسپەكتيۆالى اگروتەحنولوگيالاردى كوممەرتسيالاندىرۋ جانە ترانسفەرتتەۋ (شەتتەن الىپ پايدالانۋ) جولىمەن ەنگىزۋ, يننوۆاتسيالىق جوبالاردى قارجىلاندىرۋعا قاتىسۋ, يننوۆاتسيالىق ينفراقۇرىلىمدى دامىتۋعا, اگروونەركاسىپتىك كەشەندەگى عىلىم, يننوۆاتسيالار سالاسىنداعى حالىقارالىق ىنتىماقتاستىقتى دامىتۋعا جاردەمدەسۋ;
3) بىلىمدەردى, ونىڭ ىشىندە عىلىمي-پراكتيكالىق سەمينارلار وتكىزۋ جولىمەن تاراتۋ جانە بەرۋ, كونسۋلتاتسيالىق قىزمەتتەر كورسەتۋ;
4) اۋىل شارۋاشىلىعى وسىمدىكتەرىنىڭ جوعارى رەپرودۋكتسيالى تۇقىمدارىن, اۋىل شارۋاشىلىعى مالدارىنىڭ اسىل تۇقىمدى ءونىمىن ءوندىرۋ جانە تاراتۋ.»;
3, 4 جانە 5-تارماكتارششاداي رەداكتسيادا جازىلسىن:
«3. اگروونەركاسىپتىك كەشەندى قولداۋ جونىندەگى ءىس-شارالاردى حولدينگتىڭ قۇرامىنا كىرەتىن مامانداندىرىلعان ۇيىمدار قازاقستان رەسپۋبليكاسى ۇكىمەتىنىڭ 2013 جىلعى 18 اقپانداعى №151 قاۋلىسىمەن بەكىتىلگەن قازاقستان رەسپۋبليكاسىندا اگروونەركاسىپتىك كەشەندى دامىتۋ جونىندەگى 2013 - 2020 جىلدارعا ارنالعان «اگروبيزنەس-2020» باعدارلاماسىنا, قازاقستان رەسپۋبليكاسى ۇكىمەتىنىڭ 2011 جىلعى 31 قاڭتارداعى № 52 قاۋلىسىمەن بەكىتىلگەن «قازاگرو» ۇلتتىق باسقارۋشى حولدينگى» اكتسيونەرلىك قوعامىنىڭ 2011 - 2020 جىلدارعا ارنالعان دامۋ ستراتەگياسىنا جانە قازاقستان رەسپۋبليكاسىنىڭ وزگە دە ستراتەگيالىق جانە باعدارلامالىق قۇجاتتارىنا سايكەس ىسكە اسىرادى.
4. اگروونەركاسىپتىك كەشەندى «قازاگرويننوۆاتسيا» اق قاتىسۋىمەن قولداۋ جونىندەگى ءىس-شارالار قازاقستان رەسپۋبليكاسى ۇكىمەتىنىڭ 2013 جىلعى 18 اقپانداعى №151 قاۋلىسىمەن بەكىتىلگەن قازاقستان رەسپۋبليكاسىندا اگروونەركاسىپتىك كەشەندى دامىتۋ جونىندەگى 2013 - 2020 جىلدارعا ارنالعان «اگروبيزنەس-2020» باعدارلاماسىنا, قازاقستان رەسپۋبليكاسى ۇكىمەتىنىڭ 2010 جىلعى 30 قاراشاداعى №1291 قاۋلىسىمەن بەكىتىلگەن ەلدىڭ 2020 جىلعا دەيىنگى عىلىمي-تەحنولوگيالىق دامۋىنىڭ سالاارالىق جوسپارىنا, قازاقستان رەسپۋبليكاسىنىڭ وزگە دە ستراتەگيالىق جانە باعدارلامالىق قۇجاتتارىنا سايكەس ىسكە اسىرىلادى جانە اگرارلىق سالاداعى قازاقستان ەكونوميكاسىنىڭ جەدەلدەتىلگەن عىلىمي-تەحنولوگيالىق دامۋىن قامتاماسىز ەتۋگە باعىتتالعان.
5. اگروونەركاسىپتىك كەشەندى قولداۋ جونىندەگى ءىس-شارالارعا قاتىسۋى وسى ەرەجەنىڭ 2-1-تارماعىنا سايكەس جۇزەگە اسىرىلاتىن «قازاگرويننوۆاتسيا» اق قوسپاعاندا, مامانداندىرىلعان ۇيىمداردىڭ اگروونەركاسىپتىك كەشەندى قولداۋ جونىندەگى ءىس-شارالارعا قاتىسۋى ولاردىڭ ورگاندارىنىڭ جانە لاۋازىمدى ادامدارىنىڭ شەشىمدەرىنە سايكەس جۇزەگە اسىرىلادى.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
