ەلباسىمىز ءوزىنىڭ حالىققا ارناعان جولداۋلارىندا ءبىلىم-عىلىم سالاسىنا ەرەكشە كوڭىل ءبولىپ كەلەدى. ول ورىندى دا. ويتكەنى, كەز كەلگەن ەلدىڭ بولاشاعى بىلىمگە تاۋەلدى.
م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ بازاسىندا تالاپكەرلەردى كەشەندى تەستىلەۋ تامىز ايىنىڭ 19-22 ارالىعىندا ءوتتى. بيىلعى جىلعى سىناق ءناتيجەسىندە بىلتىرعى جىلعى كورسەتكىشپەن سالىستىرعاندا, ارالىق الشاقتىق بايقالعان جوق. كەشەندى تەستىلەۋگە ءوتىنىش بەرگەندەر سانىنىڭ ارتقاندىعى بايقالىپ وتىر. ءتورت لەك بويىنشا 3752 تالاپكەر سىناق تاپسىرسا, ونىڭ ىشىندە شىعارماشىلىق ماماندىقتار بويىنشا 420 تالاپكەر سىننان ءوتتى.
ۋنيۆەرسيتەتىمىزدە ۇبت جانە كەشەندى تەستىلەۋ الدىندا ماقساتتى جۇمىستار جاسالعان بولاتىن. تالاپكەرلەر ءۇشىن قىسقا جانە ۇزاق مەرزىمدى دايىندىق كۋرستارى ۇيىمداستىرىلدى. تالاپكەرلەردى كەشەندى تەستىلەۋدە ەڭ جوعارى كورسەتكىش 100 بالل بولسا, تالاپكەر سۇلتان قاناتوۆ 95 بالل جيناپ, جوعارى ناتيجەگە يە بولدى.
تالاپكەرلەردى كەشەندى تەستىلەۋ بارلىق تالاپتارعا ساي جوعارى دەڭگەيدە ۇيىمداستىرىلدى. تالاپكەرلەردىڭ ءبىلىم سىناعىن تاپسىرۋىنا ۋنيۆەرسيتەت, مەملەكەتتىك كوميسسيا, ءبىلىم جانە عىلىم مينيسترلىگىنىڭ وكىلدەرى, ىشكى ىستەر قىزمەتى, قاۋىپسىزدىك ورگاندارى, مەديتسينا سالاسىنىڭ ماماندارى تاراپىنان بارلىق جاعدايلار جاسالدى. شەكتى بالل جيناي الماعان تالاپكەرلەر ءبىر جىلدان كەيىن قايتادان تاپسىرۋعا مۇمكىندىك الادى. تالاپكەرلەردى كەشەندى تەستىلەۋ ءبىلىم ساپاسىن ايقىنداۋدا, بۇگىنگى تاڭدا مامان دايارلاۋدا, ياعني جوعارى وقۋ ورنىندا وقۋعا لايىقتى ءبىلىم الاتىن ستۋدەنت تاڭداۋدا ءوز ناتيجەسىن بەرەرىنە سەنىمدىمىز.
ريتا سۇلتانعاليەۆا,
م.وتەمىسوۆ اتىنداعى بقمۋ ءباسپاسوز حاتشىسى.
ورال.
