جەكەلەگەن تۇرعىنداردىڭ ءۇي-جاي قۇرىلىسىنا دا, ونەركاسىپتىك ماقساتقا دا پايدالانۋعا بولاتىن امبەباپ كابەل ونىمدەرى قاۋىپسىزدىگىمەن, وتقا جانبايتىن قاسيەتىمەن ەرەكشەلەنەدى. «ورال كابەل» جشس-نىڭ قۇرىلتايشىسى روبەرت يرمەنوۆتىڭ ايتۋىنشا, زاۋىت يتالياندىق ەڭ زاماناۋي قوندىرعىلارمەن جابدىقتالعان, ءارى ەكولوگيالىق قاۋىپسىز ءونىم شىعارادى.
- ءبىز جەرگىلىكتى بيزنەس وكىلدەرىنىڭ وڭدەۋ سالاسىنا بەت بۇرا باستاعانىنا قۋانىشتىمىز. بۇگىن ىسكە قوسىلىپ وتىرعان زاۋىت – باتىس قازاقستان وبلىسىندا بۇل سالا بويىنشا بىرەگەي كاسىپورىن. سوندىقتان جەرگىلىكتى اكىمدىك زاۋىتقا جان-جاقتى قولداۋ كورسەتەدى. كاسىپورىننىڭ ونىمدەرىن بالاباقشالارعا, دارىگەرلىك مەكەمەلەرگە, تۇرعىن ءۇي قۇرىلىسىنا پايدالانۋعا بولادى. ءبىز ينۆەستورلارمەن سويلەسىپ, زاۋىتتى ودان ءارى دامىتۋعا, بولاشاقتا يندۋستريالدى سالاعا, مۇناي-گاز سەكتورى نارىعىنا شىعۋعا شاقىردىق. ەڭ باستىسى - «ورال كابەل» زاۋىتى ونىمدەرى حالىقارالىق ASME سەرتيفيكاتىنا يە, بۇل ءوز كەزەگىندە كاسىپورىنعا قاراشىعاناق, قاشاعان, تەڭىز كەن ورىندارىنداعى شەتەلدىك اليانستاردىڭ تەندەرىنە قاتىسۋعا مۇمكىندىك بەرەدى, - دەدى زاۋىتتىڭ اشىلۋ سالتاناتىندا باتىس قازاقستان وبلىسى اكىمىنىڭ ءبىرىنشى ورىنباسارى مۇحتار مانكەەۆ.
ايتا كەتەيىك, بۇل جوباعا ينۆەستورلار تاراپىنان 3,4 ملرد. تەڭگە قارجى قۇيىلعان. زاۋىتتا 40-50 ادام قىزمەت ەتەدى.
سۋرەتتى تۇسىرگەن مەيىربەك تاجقۇرانوۆ
باتىس قازاقستان
