رۋحانيات • 13 جەلتوقسان، 2019

شىمكەنتتە ت.رىسقۇلوۆتىڭ 125 جىلدىعىنا ارنالعان حالىقارالىق كونفەرەنتسيا ءوتتى

108 رەت كورسەتىلدى

م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە قوعام جانە مەملەكەت قايراتكەرى تۇرار رىسقۇلوۆتىڭ 125 جىلدىعىنا ارنالعان حالىقارالىق كونفەرەنتسيا ءوتتى. «قازاق ەلىنىڭ ۇمىتىلماس ۇلى تۇلعالارى» تاقىرىبىندا وتكەن كونفەرەنتسيادا تۇرار رىسقۇلوۆتىڭ ءومىرى مەن ساياسي قىزمەتى، رەسپۋبليكانىڭ الەۋمەتتىك-ەكونوميكالىق جاعدايىن قالىپتاستىرۋ جانە دامىتۋ جونىندەگى ۇلى تۇلعانىڭ اتقارعان ءرولى مەن ورنى كەڭىنەن دارىپتەلدى.

شىمكەنتتەگى تۇرار رىسقۇلوۆتىڭ ەسكەرتكىشىنە گۇل شوقتارىن قويۋدان باستالعان جيىن بارىسىندا قاتىسۋشىلارعا ۇلتى ءۇشىن ۇران تاستاپ، ەلىمىزدىڭ ساياسي دامۋىنا اتسالىسقان، تۇركى حالىقتارىنىڭ رۋحاني بىرلىگىن ساقتاۋعا جانە تاۋەلسىزدىك يدەياسىن باستاعان تۇلعانىڭ ءومىر جولىنان سىر شەرتەتىن ارنايى كورمە تانىستىرىلدى. دەرەكتى فيلم كورسەتىلدى. كونفەرەنتسياعا ەلىمىزبەن قاتار الىس-جاقىن شەت مەملەكەتتەردەن عالىمدار مەن تاريحشىلار قاتىستى. سونداي-اق ۇلى تۇلعانىڭ نەمەرەسى ماسكەۋ قالاسىنان ۆلاديمير رىسقۇلوۆ پەن الماتىدان ادەل رىسقۇلوۆا ارنايى كەلدى. «ەلىمىزدىڭ تۇڭعىش پرەزيدەنتى – ەلباسى ن.نازارباەۆتىڭ  «بولاشاققا باعدار: رۋحاني جاڭعىرۋ» جانە « ۇلى دالانىڭ جەتى قىرى» اتتى باعدارلامالىق ماقالالارىن ىسكە اسىرۋ اياسىندا ۇيىمداستىرىلعان  كونفەرەنتسيانىڭ نەگىزگى ماقساتى تۇرار رىسقۇلوۆتىڭ ەڭبەگىن تانىتۋ. قازاقستاننىڭ نەگىزىن قالاۋشىلاردىڭ ءبىرى، ونەركاسىپ، ءبىلىم سالالالارىن دامىتۋعا اتسالىسقان ۇلى تۇلعا ەكەنىن كەيىنگى ۇرپاق ءبىلۋى ءتيىس»، - دەيدى م.اۋەزوۆ اتىنداعى وقمۋ رەكتورى داريا قوجامجاروۆا. ال «دۇنيەجۇزى قازاقتارىنىڭ قاۋىمداستىعى» ۇيىمى توراعاسىنىڭ ءبىرىنشى ورىنباسارى زاۋىتبەك تۇرىسبەكوۆ: «ت.رىسقۇلوۆتىڭ ەلىمىزدىڭ قالىپتاسۋىنا، دامۋىنا قوسقان ۇلەسى وراسان. سونداي-اق ول موڭعوليانىڭ كونستيتۋتسياسىن جازعان. موڭعولدار رىسقۇلوۆ دەسە باس يەدى. 1400 شاقىرىم تۇرىكسىب تەمىرجولىن سالۋ ماسەلەسىن دە شەشىپ بەرگەن»، - دەدى.

كونفەرەنتسيادا ەلىمىزدىڭ الەۋمەتتىك-ەكونوميكالىق جاعدايىن قالىپتاستىرۋداعى تۇرار رىسقۇلوۆتىڭ ءرولى مەن ورنى، حح عاسىردىڭ قازاق ينتەلليگەنتسياسىنىڭ كوزقاراستارىندا تاۋەلسىزدىك ءۇشىن كۇرەس جانە تۇركىستاننىڭ ساياسي دامۋىنىڭ ماڭىزدىلىعى، جالپى قازاقستان مەن ورتالىق ازيانىڭ حالىقارالىق دەڭگەيدەگى ساپالى عىلىمي زەرتتەۋلەرىنىڭ جاڭا باعىتتارى مەن ىنتالاندىرىلۋى، ەۋرازيانىڭ مادەني-تاريحي مۇراسى ءۇشىن تۇركى الەمىنىڭ قۇندىلىقتارى بويىنشا جاڭا عىلىمي زەرتتەۋلەر تانىستىرىلدى. بۇگىنگى ۇرپاققا ۇلى تۇلعانىڭ تاعلىم بولارلىق ىستەرى دارىپتەلدى. سونداي-اق وقمۋ عالىمدارى «مۇحتارتانۋ» عىلىمي ورتالىعىمەن بىرلەسىپ، و.قوڭىراتباەۆتىڭ «تۇرار جانە تۇركىستان» اتتى مونوگرافياسىن دايىنداپ شىعارىپتى. ت.رىسقۇلوۆتىڭ 125 جىلدىعىن اتاپ وتۋگە تىڭعىلىقتى دايىندالعان وقۋ ورداسى 100-دەن استام عالىمداردىڭ عىلىمي ماقالالارىن «قازاقتانۋ» جۋرنالىندا جاريالاعان. ودان بولەك، كەمەڭگەر تۇلعانى دارىپتەۋگە ارنالعان ارنايى بايقاۋ دا ۇيىمداستىرىلدى.

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

كوك تۇركىنىڭ كوزى

تاريح • كەشە

ۇقساس جاڭالىقتار