ۇكىمەت • 12 جەلتوقسان، 2019

قورعانىس مينيسترلىگىندە اسكەري سپورتشىلارعا قۇرمەت كورسەتىلدى

9 رەتكورسەتىلدى

قازاقستان قورعانىس مينيسترلىگىندە 2019 جىلدىڭ قورىتىندىسى بويىنشا ارميا ورتالىق سپورت كلۋبىنىڭ اسكەري سپورتشىلارىنا قۇرمەت كورسەتۋ ءراسىمى ءوتتى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.


جىل بويى حالىقارالىق جارىستارعا قاتىسىپ، باق سىناعان اسكەري سپورتشىلارعا مەرزىمىنەن بۇرىن اسكەري اتاقتار، ناگرادالار، سىيلىقاقىلار مەن العىس حاتتار تابىستالدى.

«قازاقستاننىڭ اسكەري سپورتى جىلدان جىلعا بەلسەندى تۇردە جەتىستىكتەرىن ارتتىرۋدا. ءبىزدىڭ اسكەري قىزمەتشىلەر تۇعىردان تۇسپەي، رەكوردتار جاڭارتىپ كەلەدى. بارلىق ساتتىلىكتەردىڭ قارۋلى كۇشتەرىمىزبەن بايلانىستى بولعانىن قالار ەدىم. حالىقارالىق جارىستاردا ەل نامىسىن قورعاپ جۇرسىزدەر. سونىمەن قاتار وسى حالىقارالىق جارىستاردا دا ءبارى سىزدەردىڭ قارۋلى كۇشتەردىڭ تاربيەلەنۋشىلەرى ەكەندەرىڭىزدى بىلۋگە ءتيىس»، دەدى قورعانىس مينيستر نۇرلان ەرمەكباەۆ سپورتشىلارعا ارناعان سوزىندە. سونىمەن قاتار مينيستر ولارعا سارقىلماس قۋات پەن جاڭا جەڭىستەر تىلەدى.

سپورتشىلار اراسىندا العىسپەن اتاپ وتكەندەردىڭ ءبىرى – قك قىزمەتكەرى جاندوس مادەحيانوۆ بولدى. ول 2019 جىلعى جاستار اراسىندا وتكەن قويان-قولتىق كۇرەستەن الەم چەمپيونى اتاندى.

«بالا كۇنىمنەن سپورت پەن اسكەري ورتاعا دەگەن قىزىعۋشىلىعىم بولدى. ءبىز ءتۇرلى جارىستارعا قاتىستىق. وسى جىلعى ەڭبەگىمنىڭ باعالانعانىنا قۋانىشتىمىن. مەنىڭ جەتىستىكتەرىم ماراپاتقا يە بولىپ، جوعارى باعالاندى»، دەپ سپورتشى اتاپ ءوتتى.

بۇدان وزگە، حالىقارالىق ساناتتاعى قازى مايور امانجول راحمەتوۆقا مەرزىمىنەن بۇرىن «پودپولكوۆنيك» اسكەري اتاعى بەرىلدى. حالىقارالىق ساناتتاعى قازى مارتەبەسىن العان مايور ەركەبۇلان ءتۇسىپحانوۆ «حالىقارالىق ىنتىماقتاستىققا ۇلەسى قوسقانى ءۇشىن» مەدالىمەن ماراپاتتالدى.

وليمپيادا چەمپيونى، قىتايدا وتكەن بۇكىلالەمدىك اسكەري ويىندارىنىڭ جەڭىمپازى، جەڭىل اتلەتشى مايور ولگا رىپاكوۆاعا، حالىقارالىق ساناتتاعى سپورت شەبەرى، قازاقستان رەسپۋبليكاسىنىڭ بەس دۇركىن چەمپيونى، بوكسشى تەمىرتاس جۇسىپوۆكە جانە ازيا جۇلدەگەرى، بۇكىلالەمدىك بوكس (WSB) سەرياسى بويىنشا ەكى مارتە چەمپيون اتانعان اسلانبەك شىنبەرگەنوۆكە، تاەكۆوندودان ازيا چەمپيوناتى مەن ازيا ويىندارىنىڭ كۇمىس جۇلدەگەرى كىشى سەرجانت رۋسلان جاپاروۆقا سىيلىقاقى بەرىلدى.

سونىمەن قاتار V حالىقارالىق قويان-قولتىق كۇرەسىنىڭ ءتۋرنيرى مەن تۇڭعىش پرەزيدەنت كۋبوگىنا وتكەن ارميانىڭ قويان-قولتىق كۇرەسىنىڭ جەڭىمپازى قاتارداعى جاۋىنگەر سورا راحمونوۆا العىس حات الدى. اوسك-نىڭ جاتتىقتىرۋشىسى كاپيتان ولجاس اقباەۆقا گراموتا بەرىلدى.


سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

ۇقساس جاڭالىقتار