ۇكىمەت • 12 جەلتوقسان، 2019

الماتىدا زورلىق-زومبىلىق ەكسترەميزمدى الدىن الۋ ماسەلەلەرى تالقىلاندى

20 رەتكورسەتىلدى

2019 جىلعى 10-11 جەلتوقساندا الماتىدا زورلىق-زومبىلىق ەكسترەميزمدى الدىن-الۋ بويىنشا العاشقى «بەرىك قالالاردىڭ جەلىسى» اتتى ايماقتىق سەمينار ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

سەمينار قازاقستانداعى اقش ميسسياسى جانە اقش مەملەكەتتىك دەپارتامەنتىنىڭ تەرروريزممەن كۇرەس بيۋروسىمەن بىرلەسە ۇيىمداستىرىلدى.

ءىس-شاراعا ورتالىق ازيا مەملەكەتتەرىنىڭ تاجىريبەلى ماماندارى، سونداي-اق ايماقتاعى عىلىمي ورتالىقتار مەن حالىقارالىق ۇيىمداردىڭ ساراپشىلارى قاتىستى. قازاقستاندىق دەلەگاتسيانىڭ قۇرامىندا قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ستانيسلاۆ ۆاسيلەنكو، اقتاۋ قالاسىنىڭ اكىمى ع.نيازوۆ، اقپارات جانە قوعامدىق دامۋ مينيسترلىگى مەن قاراعاندى وبلىسى اكىمدىگىنىڭ وكىلدەرى بولدى.

س.ۆاسيلەنكو ءوزىنىڭ سوزىندە زورلىق-زومبىلىق ەكسترەميزم مەن تەرروريزمدى الدىن الۋ جانە ونىمەن كۇرەسۋ بويىنشا قازاقستان تاراپىنىڭاتقارىپجاتقان شارالارىتۋرالى قىسقاشا ايتىپ ءوتتى. جاقىندا يراكتان 14 بالانىڭ قايتارىلعانى تۋرالى بايانداپ، ۇستىمىزدەگى جىلدىڭ باسىندا سيريادان 600-دەن استام قازاقستاندىقتاردى قايتارۋعا قولداۋ كورسەتكەنى ءۇشىن اقش تاراپىنا ريزاشىلىعىن ءبىلدىردى.

الماتى قالاسىنداعى اقش باس كونسۋلى ەريك مايەر، ءوز كەزەگىندە، تەرروريستەر قاتارىندا كۇرەسكەندەر مەن ولاردىڭ وتباسى مۇشەلەرىنىڭ مەملەكەتكە ورالۋى مەن ولاردى قوعامعا قايتا قوسۋ جولىنداعى قازاقستاننىڭ جەتەكشى ءرولى ءۇشىن العىسىن ءبىلدىردى. ە.مايەر قاتىسۋشىلارعا زورلىق-زومبىلىق ەكسترەميزمنىڭ بۇكىل الەمگە ءتونىپ تۇرعان قاتەر ەكەندىگىن، وعان قارسى تۇرۋدا جەرگىلىكتى تۇرعىندار شەشۋشى ءرول اتقاراتىنىن اتاپ ءوتتى. 

قاتىسۋشىلار «بەرىك قالالاردىڭ جەلىسى» پلاتفورماسىنىڭ قۇرىلۋى جانە ونىڭ دامۋ تاريحىمەن تانىستى. سوعىس ايماقتارىنان قايتارىلعان ازاماتتاردى وڭالتۋ جانە قوعامعا قايتا قوسۋدا مۋنيتسيپالدى ورگانداردىڭ ازاماتتىق قوعاممەن جانە جەرگىلىكتى قاۋىمداستىقتارمەن ءوزارا ارەكەتتەسۋ ءرولى قاراستىرىلدى. سونىمەن قاتار ءىس-شارا بارىسىندا وسال توپتاردى انىقتاۋ، قاۋىپتەردى باعالاۋ تەتىكتەرى، ءىس-شارالار جوسپارىن ازىرلەۋ جانە باسقا ماسەلەلەر تالقىلاندى. 

ساراپشىلار دەڭگەيىندە «بەرىك قالالاردىڭ جەلىسى» شەڭبەرىندە حالىقارالىق قاۋىمداستىقپەن تاجىريبەجانە اقپاراتپەن الماسۋ جەرگىلىكتى دەڭگەيدە زورلىق-زومبىلىق ەكسترەميزمگە ءتيىمدى تۇردە قارسى تۇرۋعا، سونىمەن قاتار ونى الدىن الۋعا باعىتتالعان ارنايى باعدارلامالار ازىرلەۋگە مۇمكىندىكتەر بەرەدى. سەمينار ناتيجەلەرى سيريا مەن يراكتان قايتارىلعان قازاقستان رەسپۋبليكاسىنىڭ ازاماتتارىن وڭالتۋ جانە قوعامعا قايتا قوسۋ شارالارىن جۇزەگە اسىرعان كەزدە ەسكەرىلەتىن بولادى.

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار