قازاقتىڭ تالانتتى ۇلىنىڭ ونەرىن تاماشالاۋعا كەلگەن كورەرمەن قازاق تىلىندە شىرقالعان كومپوزيتسيالارعا تەبىرەنىپ, ديماشپەن بىرگە ورىندادى. جانكۇيەرلەردىڭ باسىم بولىگى د.قۇدايبەرگەننىڭ اندەرىن جاتقا بىلەدى. ولار قازاق تىلىندەگى ءان ءماتىنىن ءتۇسىنۋ ءۇشىن ءوز تىلدەرىنە اۋدارىپ, ءتىپتى قازاق ءتىلىن ۇيرەنىپ جۇرگەنى تۋرالى ءباسپاسوز قۇرالدارىندا جازىلىپ ءجۇر.
كونتسەرت بارىسىندا ديماش پەن مۋزىكانتتار ورىنداعان «اداي» كۇيى دە تىڭداۋشىلاردىڭ قۇلاق قۇرىشىن قاندىردى. سونداي-اق جاس تالانت ءاربىر ءانىن ورىنداعان سايىن: «مەنىڭ وتانىم – قازاقستان!» دەپ, جينالعان قاۋىمدى ەلىمىزگە كەلۋگە شاقىردى.
گرەممي سىيلىعىنىڭ يەگەرى, پەرۋلىك اتاقتى ءانشى ەۆا ايلان ديماش قۇدايبەرگەندى كورۋ ءۇشىن ءوز كونتسەرتىن كەيىنگە شەگەرىپ, نيۋ-يورككە ۇشىپ كەلگەن. ال كونتسەرت سوڭىندا «ەلىم مەنىڭ» ءانى ورىندالدى. ۇلكەن ەكراننان كوك تۋىمىز جەلبىرەپ, قازاق جەرىنىڭ سۇلۋ تابيعاتى نيۋ-يوركتىڭ Barسlays center ارەناسىنا جينالعانداردى ءتانتى ەتتى.
كونتسەرت قازاقستاننىڭ اقش-تاعى مادەنيەت كۇندەرى اياسىندا جانە مادەنيەت جانە سپورت مينيسترلىگىنىڭ قولداۋىمەن ۇيىمداستىرىلدى.