پارلامەنت • 11 جەلتوقسان، 2019

ءماجىلىس كوشى-قون پروتسەستەرىن رەتتەۋ بويىنشا زاڭ جوباسىن ماقۇلدادى

30 رەتكورسەتىلدى

پارلامەنت ءماجىلىسىنىڭ دەپۋتاتتارى پلەنارلىق وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوشى-قون پروتسەستەرىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قاراپ، ونى ءبىرىنشى وقىلىمدا ماقۇلدادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

زاڭناماعا ەنگىزىلگەن تۇزەتۋلەردى حالىق قالاۋلىلارىنا قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ تانىستىردى. ول ءوز سوزىندە بۇل زاڭ جوباسى قازاقستان رەسپۋبليكاسىنىڭ 2017-2021 جىلدارعا ارنالعان كوشى-قون ساياساتىنىڭ تۇجىرىمداماسىنا جانە ونى ىسكە اسىرۋ جونىندەگى ءىس-شارالار جوسپارىنا سايكەس ازىرلەنگەنىن، سونداي-اق 3 كودەكس پەن 10 زاڭعا وزگەرىستەر مەن تولىقتىرۋلار ەنگىزۋدى قاراستىراتىنىن اتاپ ءوتتى.

زاڭ جوباسىنىڭ مىندەتتەرى كوشى-قون زاڭناماسىن: قازاقستانعا كەلگەن ەتنيكالىق ورالماندار مەن يمميگرانتتار ءۇشىن قولايلى جاعدايلار جاساۋ; ەل ەكونوميكاسىنىڭ قاجەتتىلىكتەرىن قاناعاتتاندىرۋعا، قولايلى ينۆەستيتسيالىق كليمات قۇرۋعا باعىتتالعان سىرتقى ەڭبەك كوشى-قونىنىڭ ءتيىمدى جۇيەسىن قۇرۋ; حالىقارالىق وزىق تاجىريبەنى ەسكەرە وتىرىپ زاڭسىز كوشى-قوننىڭ الدىن الۋ، كوشى-قون پروتسەستەرىن رەتتەۋ سالاسىنداعى نورماتيۆتىك-قۇقىقتىق بازانى كەڭەيتۋ باعىتتارى بويىنشا جەتىلدىرۋ.

«قولدانىستاعى زاڭناماعا سايكەس ەتنيكالىق قازاقتار ورالمان مارتەبەسىن الۋ ءۇشىن قازاقستان تاۋەلسىزدىك العانعا دەيىن شەت مەملەكەتتىڭ اۋماعىندا تۇرۋ فاكتىسىن راستاۋعا ءتيىس. ءىس جۇزىندە 1991 جىلدان كەيىن دۇنيەگە كەلگەن ەتنيكالىق قازاقتار مۇنداي قۇجاتتاردى بەرە المايدى. وسىعان بايلانىستى ەتنيكالىق قازاقتىڭ بۇرىن قر ازاماتى بولماعاندىعى باستى كريتەري بولادى»، – دەپ تولىقتىردى ءبىرجان نۇرىمبەتوۆ.

سونداي-اق، ورالمانداردىڭ تۇراقتى تۇردە تۇرۋعا رۇقسات الۋعا جانە قازاقستان ازاماتتىعىن الۋعا ءبىر مەزگىلدە قۇجاتتار بەرۋ قۇقىعىن زاڭ جۇزىندە قاراستىرۋ ۇسىنىلادى.

قونىس اۋدارۋشىلاردى ورنالاستىرۋ، جۇمىسپەن قامتۋ جانە بەيىمدەۋ جونىندەگى الەۋمەتتىك قىزمەتتەر كەشەنىن ۇسىنۋ ماقساتىندا ورالماندارعا عانا ەمەس، قونىس اۋدارۋشىلارعا دا بەيىمدەۋ جانە ىقپالداستىرۋ قىزمەتتەرىن كورسەتۋ جونىندەگى ورتالىقتاردىڭ فۋنكتسيالارى كەڭەيتىلەتىن بولادى.

«ينۆەستورلارعا قولايلى جاعداي جاساۋ ماقساتىندا شەتەلدىك جۇمىس كۇشتەرى باسقا اكىمشىلىك-اۋماقتىق بىرلىكتەرگە تارتۋعا رۇقساتتاردىڭ مەرزىمىن ۇزارتۋ قاراستىرىلعان. بۇل جاعدايدا جۇمىس بەرۋشى رۇقساتتا كورسەتىلگەن ءار ءوڭىردىڭ بيۋدجەتىنە سالىق تولەۋى كەرەك، سونىمەن قاتار ءتيىستى وڭىرلەردە جۇمىستاردى ورىنداۋ جانە قىزمەتتەر كورسەتۋ تۋرالى كەلىسىم بولۋى كەرەك. سونداي-اق، زاڭ جوباسى جوعارى بىلىكتى شەتەلدىك جۇمىسشىلاردىڭ بىلىكتىلىك كۋالىگى نەگىزىندە ەكونوميكانىڭ باسىم سەكتورلارىندا دەربەس جۇمىس ىستەۋى ءۇشىن مۇمكىندىكتەردى كەڭەيتۋدى قاراستىرادى، وسى قۇزىرەتتى قر ەڭبەكمينىنەن جەرگىلىكتى اتقارۋشى ورگاندار دەڭگەيىنە بەرۋ ۇسىنىلىپ وتىر»، – دەدى ءبىرجان نۇرىمبەتوۆ.

ەڭبەكشى يمميگرانتتاردى زاڭسىز كاسىپكەرلىك قىزمەتكە تارتۋ فاكتىلەرىنىڭ كوبەيۋىنە بايلانىستى ەڭبەكشى يمميگرانتتاردى اي سايىن 8 اەك سالىق تولەيتىندەي، شجك تارتۋدىڭ قولدانىستاعى جۇيەسىنە سايكەس «ماۋسىمدىق جۇمىسكەرلەردى» تەڭەستىرۋ ۇسىنىلادى. سونىمەن قاتار، «ماۋسىمدىق جۇمىسكەرلەر» جۇمىسقا قابىلداۋعا بولاتىن ماماندىقتاردىڭ ءتىزىمى انىقتالادى.

كوشى-قون پروتسەستەرى سالاسىنداعى قۇقىقتىق بازانى كەڭەيتۋ جانە زاڭسىز كوشى-قوننىڭ جولىن كەسۋ ماقساتىندا تومەندەگىلەر ۇسىنىلادى.

بىرىنشىدەن، شەتەلدىكتەر ءۇشىن تۇراقتى تۇرۋعا رۇقسات بەرۋ ءۇشىن 4 اەك مولشەرىندە مەملەكەتتىك باجدى ەنگىزۋ.

ەكىنشىدەن، رەادميسسيا جونىندەگى حالىقارالىق ەرەجەلەردى ۇلتتىق زاڭناماعا يمپلەمەنتاتسيالاۋ ۇسىنىلادى.

ۇشىنشىدەن، اتقارۋشىلىق ءىس جۇرگىزۋ بويىنشا بەرەشەگى بار تۇلعالاردىڭ تمك-گە شىعۋى بويىنشا شەكتەۋلەردى كوزدەيتىن تولىقتىرۋلار ەنگىزىلسىن.

تورتىنشىدەن، قر ازاماتتىعىن رەسىمدەۋ ءتارتىبىن وڭايلاتۋ ءۇشىن قازاقستان اۋماعىندا 1 جىل ىشىندە 183 كۇننەن از ۋاقىت تۇرۋ جانە اكىمشىلىك بۇزۋشىلىقتاردىڭ بولۋى بويىنشا زاڭنامالىق نورمالار قولدانىلمايتىن ادامدار ساناتىن (ەتنيكالىق قازاقتار، ازاماتتىعى جوق ادامدار، 1974 جىلعى ۇلگىدەگى كسرو تولقۇجاتتارى بار ادامدار، سونداي-اق تۇرمىستاعى ايەلدىڭ ازاماتتىعى تۋرالى كونۆەنتسيا قولدانىلاتىن ايەلدەر) انىقتاۋ ۇسىنىلادى.

زاڭ جوباسىن ىسكە اسىرۋ رەسپۋبليكالىق بيۋدجەتتەن قوسىمشا قارجىلىق شىعىنداردى تالاپ ەتپەيدى جانە تەرىس الەۋمەتتىك-ەكونوميكالىق نەمەسە قۇقىقتىق سالدارعا اكەلىپ سوقپايدى.

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

ۇقساس جاڭالىقتار