ايماقتار • 11 جەلتوقسان، 2019

ورالدا «Business Power-2019» بيزنەس فورۋمى ءوتتى

13 رەتكورسەتىلدى

ورال قالاسىندا وتكەن «Business Power-2019» بيزنەس فورۋمىنا قازاقستاننىڭ باتىس وڭىرىندە ورنالاسقان ءتورت وبلىستان 700-گە جۋىق ادام قاتىسقان. «بۇل ەلىمىزدەگى ايماقتىق ەڭ ءىرى فورۋم» دەيدى شارانى ۇيىمداستىرۋشى «Business Power» كومپانياسىنىڭ قۇرىلتايشىسى ايناش بيجانوۆا.

سۋرەتتى تۇسىرگەن مەيىربەك تاجقۇرانوۆ

فورۋمعا ەلىمىزگە تانىمال تۇلعالار – كاسىپكەر مارعۇلان سەيسەمباي، قازاقستاندا ياندەكس.تاكسي جۇيەسىندەگى ءىرى تاكسوپاركتىڭ نەگىزىن قالاعان تيمۋر قۇدايبەرگەنوۆ، «Domino home & horeca» دۇكەندەر جەلىسىنىڭ نەگىزىن سالۋشى، «جارقىن كاسىپكەر» كاسىپكەرلەر كلۋبى باسقارماسىنىڭ توراعاسى جالعاس داۋلەتوۆ، «سينەرگيا-قازاقستان» ۋنيۆەرسيتەتىنىڭ پرەزيدەنتى باۋىرجان قاسىمبەرگەباەۆ، وسى ۋنيۆەرسيتەتتىڭ دامۋ دەپارتامەنتى ديرەكتورى دانا سادىقوۆا جانە باسقالارى ءسوز سويلەپ، ءوز تاجىريبەلەرىن ورتاعا سالدى. سپيكەرلەردىڭ اراسىندا باتىس قازاقستان وبلىسى اكىمىنىڭ ءبىرىنشى ورىنباسارى مۇحتار مانكەەۆ تە بولدى.

- بيزنەس فورۋم جاڭا فورماتتا ۇيىمداستىرىلىپ وتىر. بۇل تىڭ ستارتاپ جوبالاردى قولعا الۋعا ىنتالاندىرادى. مۇندا سويلەيتىن سپيكەرلەر دە ءوز ەڭبەگىمەن جەتىستىككە جەتكەن مىقتى ماماندار. ولار ءوز تاجىريبەسىمەن بولىسەدى. بۇل فورۋم جاستاردى ىنتالاندىرىپ، ءار ادامنىڭ وي ءتۇيىپ، جاڭا ءىسىن باستاۋىنا تۇرتكى بولسا دەيمىز. باتىس قازاقستان وبلىسى مۇنايگاز سالاسىنا ارقا سۇيەيدى. بىراق شاعىن جانە ورتا بيزنەستە تەك جاستار ەمەس، جاسى ۇلكەندەرگە دە ستارتاپ جوبالار جاساۋعا بولار ەدى. ەندەشە كاسىپكەرلىك قابىلەتى بار جەرلەستەر ءوز كاسىبىن باستاپ، بەلسەندىلىك تانىتۋى ءتيىس، - دەدى ءوز سوزىندە مۇحتار مانكەەۆ.

- بۇل فورۋم نەگىزىنەن جاستارعا ارنالعان دەپ ويلايمىن. سەبەبى، جاس ادامعا ءوزى جاساپ جاتقان ءىسىنىڭ دۇرىستىعىنا سەنىم جەتىسپەيدى. جاستار سىرتتان قولداۋ كۇتەدى. وسى ءبىر وتپەلى كەزەڭدە ادامدى قولداپ، دۇرىس باعىت-باعدار بەرىپ جىبەرسە، ول كىسىنىڭ ناتيجەگە جەتۋ مۇمكىندىگى كوبىرەك بولادى دەپ ويلايمىن. فورۋمدا ءار سالادا بەلگىلى ءبىر جەتىستىككە جەتكەن سپيكەرلەر وزدەرىنىڭ ومىردەن العان ساباقتارىمەن ءبولىستى. بۇل قاتىسۋشى جاستارعا شابىت بەرىپ، دۇرىس باعىتپەن جۇرۋىنە جول سىلتەدى دەپ ەسەپتەيمىن، - دەيدى فورۋمعا قاتىسۋشى اقىلبەك ەسەنالين.

 

باتىس قازاقستان

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار