رۋحانيات • 11 جەلتوقسان، 2019

«تاڭعاجايىپ اۋەن» فەستيۆالى ءوتتى

21 رەتكورسەتىلدى

«دەگدار» قايىرىمدى­لىق قورى جانە «قازاق­كونتسەرت» مەملەكەتتىك كون­تسەرتتىك ۇيىمى نۇر-سۇلتان قالاسىندا «تاڭ­عاجايىپ اۋەن» فەس­تيۆالى اياسىندا قايى­رىمدىلىق كونتسەرتىن وتكىزدى.

كەشتە بالالاردى قولداۋعا ارنالعان وپەرەتتا مەن ميۋ­زيكلدەردىڭ تانىمال اريالارى شىرقالدى. داريعا نازارباەۆا، مەدەت شوتاباەۆ، مەيىر باينەش، ءالفيا كارى­موۆا، ازات مالىك، ازامات جىل­تىركوزوۆ، مەملەكەتتىك «FORTE TRIO» تريوسى، «اس­تانا وپەرا» تەاترىنىڭ سيم­فونيالىق وركەسترى مەن حورى، ديريجەر ابزال مۇ­حيتدينوۆ مەي­ماندارعا مەرە­كەلىك كوڭىل كۇي سىيلادى. كەشتى تەاتر جانە كينو اكتەرى شىڭ­عىس كاپين جۇرگىزدى.

قور ديرەكتورى لاۋرا احمەتوۆا كورەرمەندەرگە ار­­ناعان سوزىندە كومەك كور­سەتكەندەرگە العىسىن ءبىل­دىرىپ، قايىرىمدىلىققا ارنالعان قارجىنىڭ قايدا جۇم­سا­لاتىنىن ايتتى: «وتكەن جىلى فەستيۆال اياسىندا 52 ميلليون تەڭگە قاراجات جينالىپ، ءتورت اۋىلدىق بالالار ءۇيى اراسىندا بولىنگەن بولاتىن. وندا 209 بالا قامتىلدى. بيىل 315 بالانى قامتۋدى جوس­پارلاپ وتىرمىز. فەستيۆال اياسىندا جينالعان بارلىق قاراجات اۋىلدىق جەرلەردەگى بالالار ۇيلەرىن جابدىقتاۋعا با­عىتتالادى. قاراجات جيناۋ ءالى دە جالعاسىپ وتىر ءارى قايى­رىمدىلىق شاراسىنا ءبارىمىز دە قاتىسا الامىز».

بيىلعى قايىرىمدىلىق جيناعى اۋىلدىق جەرلەردەگى ءتورت بالالار ءۇيىنىڭ مۇقتاجىنا جىبەرىلەدى. ولار اقمولا وب­­­لىسىنداعى بالاباقشا-مەك­­تەپ-ينتەرناتى،  شىعىس قا­زاقستان وبلىسىنداعى №8 بالالار ءۇيى، قاراعاندى وب­لى­سىنداعى جەتىم بالالار مەن اتا-انا قامقورلىعىنسىز قالعان بالالارعا ارنالعان ليتۆينسك مەكتەپ-ينتەرناتى جانە قوستاناي وبلىسىنداعى ورتالىق جۇيكە جۇيەسى ور­گا­نيكالىق زاقىمدالعان جانە پسيحيكاسى بۇزىلعان با­لالارعا ارنالعان رۋدنىي ما­مانداندىرىلعان بالالار ءۇيى.

قاراجات سونىمەن قاتار ەرەكشە اكتەرلەر تەاترىنىڭ جۇمىسىن قولداۋعا باعىت­تالاتىن بولادى.

 

 

 

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار